Friðrik Ingi framkvæmdastjóri og Kristinn Geir íþróttafulltrúi undirbúa bikarana á Bikarúrslitunum 2009. KR varð bikarmeistari kvenna og Stjarnan hjá körlum.

Úr viðureign Skallagríms og Breiðabliks í 2. deild kvenna tímabilið 2007-08. Rósa Indriðadóttir, leikmaður Skallagríms, keyrir upp völlinn á meðan Ragnhildur Theodórsdóttir, leikmaður Breiðabliks eltir hana uppi.

Teitur Örlygsson, leikmaður Njarðvíkur og núverandi þjálfari Stjörnunar er hér í Valsmótinu í gamla Valsheimilinu og í ókunnugri treyju. Ætla má að Njarðvíkingar hafi einungis haft hvíta settið með í þetta sinn og því þurft að fá lánaðan dökkan búning hjá Valsmönnum í þessum leik, sem að öllum líkindum er gegn Guðjóni Skúlasyni og félögum í Keflavík.

Sunnudagurinn 15. febrúar 2009 var mikil körfuboltahátíð en þá fóru fram úrslitaleikirnir í Subwaybikarnum. Þegar leikmenn liðanna voru kynntir í upphafi leiks þá hljóp með þeim ungur iðkandi frá félaginu. Það hefur verið mikil upplifun fyrir ungu iðkendurna að fá að hlaupa með hetjunum sínum út á völl en hér hleypur einn ungur leikmaðru með Lóu Dís Másdóttur, leikmanni Keflavíkur.

Jón Kr. Gíslason er hér við það að smella niður þrist en Sigurður Elvar Þórólfsson er til varnar.

Arnþór Guðmundsson og Ægir Steinþórsson, fyrirliðar Fjölnis í 11. fl. kk., lyfta hér bikarnum eftir að hafa lagt Hauka að velli 80-53 í úrslitaleik Íslandsmótsins. Var þetta fjórða árið í röð sem Fjölnir vinnur í þessum árgangi(´91) og ávallt var það lið Hauka sem lenti í öðru sæti.

Fyrrum samherjarnir í Stjörnunni Nemanja Sovic og Kjartan Kjartansson. Nemanja samdi við Stjörnuna fyrir tímabilið 2008-2009 en varð að yfirgefa herbúðir þeirra í upphafi tímabilsins líkt og margir aðrir. Sovic fór aftur til Breiðabliks sem hann hafði leikið með árið áður í 1. deild, en Breiðablik fór upp um deild. Sovic og félagar í Breiðablik unnu báða leiki sína í Iceland Express-deildinni gegn erkifjendunum í Stjörnunni þetta árið.

Jason Dourisseau treður í leik gegn Njarðvík 2008. KR vann örugglega 103-48 í það skiptið.

Ari Gunnarsson þjálfari kvennaliðs Hamars og leikmaður meistarflokks Hamars er hér með no-look sendingu í leik með Skallagrím gegn Njarðvík einhverntímann snemma á tíunda áratugnum. Rodney Robinson, Njarðvík, er til varnar.

Hlynur Bæringsson áritar plakat eftir sigurleik á Dönum í Laugardalshöll 77:71 þann 10. september 2008

Suðurnesjamennirnir Gunnar Stefánsson og Ragnar Ragnarsson léku með Ármanni og Þrótti Vogum tímabilið 2007-08 í 1. deild karla. Þessi mynd var tekin í fyrsta leik Gunnars með Ármanni.

Alexander Ermolinski og Jonathan Bow áttu báðir farsæla ferla hér á landi. Ermolinski varð bikarmeistari með Grindavík og Bow varð margfaldur Íslandsmeistari bæði með Keflavík og KR.

TILBÚNIR!!! Sigmundur Herbertsson er að fara henda boltanum í upphafsuppkastinu á bikarúrslitaleik Stjörnunnar og KR í Laugardalshöll 15. febrúar 2009.

Bragi Magnússon leikmaður Skallagríms er hér í sókn gegn Rodney Dobart, leikmanni Grindvíkur. Dobart leysti af Herman Meyers í janúar þetta ár sem varð fyrir meiðslum og lék með Grindavík til sigurs það árið. Myndin er tekin í 8-liða úrslitunum þann 10. mars 1996 en leikurinn fór 62-76 og þar með vann Grindavík 2-0.

UMFN og KR mættust í Bikarúrslitaleiknum í 10. flokki karla 2008 á Bikarúrslitahelginni sem haldin var í Keflavík. UMFN vann 77-53 og var Valur Orri Valsson sem er hér til vinstri valin maður leiksins. Með honum að taka við bikarnum er Oddur Birnir Pétursson en þeir eru fyrirliðar Njarðvíkur. Feður þeirra beggja, Valur og Pétur, léku lengi með Njarðvík á sínum yngri árum.