Lið U16 kvenna á Norðurlandamótinu í Solna í Svíþjóð 2009.

Sextán ára lið Íslands á æfingu árið 2004 í Sviþjóð. Henning Henningsson sýnir stelpunum hvernig á að gera hlutina en eitthvað virtust skilaboðin hafa skilað sér en stelpurnar urðu Norðurlandameistarar.

Telma Ásgeirsdóttir var í íslenska U-16 ára liðinu á Norðurlandamótinu í Solna í Svíþjóð 2009. Telma er að undirbúa sókn á sænska varnarmanninn.

Ægir Þór Steinarsson, var fyrirliði íslenska U-18 ára liðsins, sem varð Norðurlandameistari vorið 2009 í Solna í Svíþjóð. Hér sækir hann að Norðmönnum en Ísland vann 75-60.

Íslensku stelpurnar í U-16 mættu sterku sænsku liði á Norðurlandamótinu 2009. Hér er Ína María Einarsdóttir með boltann.

Ágúst Herbert Guðmundsson, þáverandi þjálfari Þórs og Ingi Þór Steinþórsson, þjálfari Snæfells ásamt Chuck Daly í Valencia árið 2000. Þeir félagar voru á þjálfaranámskeiði þar sem Daly, Ettore Mesina og tveir landsliðsþjálfarar Spánar héldu frábært námskeið. Myndin var tekin eftir einn fyrirlesturinn.   Chuck Daly lést 9. maí 2009, eftir baráttu við veikindi. Hann gerði meðal annars Detroit Pistons að meisturum tvö ár í röð og vann gullið mðe Draumaliðinu á Ólymíuleikunum í Barcelona 1992.  

Fannar Helgason, leikmaður Stjörnunnar, lék sína fyrstu leiki fyrir Íslands hönd á Smáþjóðaleikunum á Kýpur í júní mánuði 2009. Hér er hann í viðtali hjá Adolfi Inga Erlingssyni fréttamanni Ríkissjónvarpsins. Myndatökumaðurinn er Óskar Nikulásson, fyrrverandi leikmaður Keflavíkur.

Björgvin Rúnarsson og Sigmundur Már Herbertsson á leið að fara dæma leik saman á Smáþjóðaleiknum á Kýpur 2009. Var þetta í fyrsta skipti sem tveir íslenskir dómarar dæma saman leik á Smáþjóðaleikunum.

Svava Stefánsdóttir, leikmaður Keflavíkur, sækir hér að körfu Grindvíkinga í árlegum Meistaraleik KKÍ. Svava skoraði 17 stig þegar Keflavík vann með fimm stigum 73-68.

Frá æfingaleik Íslands og Hollands í Groningen í Hollandi í ágúst mánuði 2005. Liðin mættust tvisvar sinnum og vann Ísland báða leikina. Þann fyrri 74-78 og þann seinni 75-82.

EKKI NÚNA! Gæti Hörður Axel Vilhjálmsson vera að segja við liðsfélaga sinn hjá Keflavík Jón Norðdal á Smáþjóðaleikunum á Kýpur 2009. Ísland vann San Marinó frekar auðveldlega í leiknum 93-39.

Páll Axel Vilbergsson að skjóta yfir Panagiotis Trisokkas, leikmann Kýpur, á Smáþjóðaleikunum 2009. Ísland tapaði leiknum 54-87. Með sigrinum tryggði Kýpur sér nánast gullið þó þetta væri aðeins annar leikdagur leikanna. Kýpur vann gullið að lokum og Ísland fékk bronsið.

Þeir félagar Fannar Ólafsson og Sigurður Þorvaldssson þurftu smá klakaaðstoð á Smáþjóðaleikunum 2009 á Kýpur. Álagið getur verið mikið og því nauðsynlegt að setja smá ís á.

Henning Henningsson, landsliðsþjálfari kvenna, að ræða við leikmenn sína í leikhléi á Smáþjóðaleikunum á Kýpur 2009. Ísland endaði í öðru sæti á leikunum, unnu Kýpur og Lúxemborg en töpuðu fyrir Möltu.

Bros á vör! Það hefur greinilega einhver sagt eitthvað sniðugt þegar silfurlið Íslands á Smáþjóðaleikunum á Kýpur 2009 stillir sér upp fyrir myndatöku. Stelpurnar unnu alla leiki sína á mótinu nema viðureignina gegn Möltu og enduðu þær því í 2. sæti.