© 2000-2019 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
       
21.5.2002 | Ólafur Rafnsson
Leiðarinn - ATBURÐARRÁSIN HJÁ FIBA - 1. HLUTI - Bakgrunnur og yfirlit
Á ársþingi KKÍ í byrjun maí lofaði ég að ég myndi gera hreyfingunni grein fyrir þeirri atburðarrás sem átt hefur sér stað innan FIBA - Alþjóða körfuknattleikssambandsins á undanförnum misserum. Voru þessir pistlar reyndar ritaðir s.l. haust, en hafa ekki birst fyrr en nú, og hafa verið gerðar á þeim viðeigandi og nauðsynlegar endurbætur.

Er það von mín að einhverjir hafi áhuga fyrir þessum pistlum, og að menn virði þá viðleitni að reyna að upplýsa hreyfinguna um það sem verið hefur að gerast á vettvangi hins alþjóðlega körfuknattleiks. Ennfremur væri gaman væri að heyra skoðanir íslenskra körfuknattleiksáhugamanna á þessu málefnum – hvort heldur þær verða settar fram á opinberum vettvangi eða í sendingum til undirritaðs persónulega. Mun undirritaður leitast við að svara fyrirspurnum eins og kostur er.

FIBA hefur okkur löngum þótt afar afturhaldssamt fyrirbæri, og lýðræði þar ekki verið framkvæmt eftir ströngustu reglum í gegnum síðustu áratugi eins og við Íslendingar skiljum það hugtak. Hefur undirritaður t.a.m. notað sögur af “kosningum” innan sambandins sem gamansögur á þingum KKÍ.

Á þeim 70 árum sem liðin eru síðan FIBA var stofnað hafa einungis tveir aðilar gengt stöðu framkvæmdastjóra sambandsins, eða “General Secretary”. Fyrstu 44 árin gegndi Englendingurinn R.Williams Jones stöðunni, en árið 1976 tók Júgóslavinn Borislav Stankovic við kyndlinum, og hefur borið hann síðan. Hann stendur nú á áttræðu. Völd framkvæmdastjóra eru, og hafa ávallt verið, mjög mikil innan FIBA. Er m.a. að finna í lögum og reglugerðum sambandsins ákvæði um völd framkvæmdastjóra þar sem ákvarðanir í tilteknum málaflokkum eru settar í hans hendur.

Segja má að tvö meginmálefni hafi staðið upp úr varðandi þá þróun sem orðið hefur innan sambandsins undanfarin misseri:

· Annarsvegar er um að ræða kröfu um stofnun sérstaks Evrópusambands innan FIBA.
· Hinsvegar er um að ræða baráttu um sjálfstæði atvinnumannadeildar félagsliða innan Evrópu.

Erfitt er að fjalla um svo viðamikil málefni sem stjórnskipulag FIBA, mótahald félagsliða og landsliða, auk þeirra deilna sem átt hafa sér stað undanfarna mánuði, í stuttu máli. Nauðsynlegt er að varpa ljósi á bakgrunn þessara mála, og mun leitast við að fjalla um það í eins stuttu máli og kostur er. Verður fjallað um einstök mál þeirra í aðskildum pistlum sem munu birtast hér á heimasíðu KKÍ vikulega á næstunni.

Ólafur Rafnsson,
Formaður KKÍ.
Mótayfirlit
Mótayfirlit allra flokka
Bikarmeistarar Keflavíkur 1994. Aftari röð frá vinstri: Lóa Gestsdóttir, Hanna Kjartansdóttir, Elínborg Herbertsdóttir, Erla Þorsteinsdóttir, Sigurður Ingimundarson þjálfari, Ingibjörg Emilsdóttir og Gunnhildur Theódórsdóttir. Fremri röð frá vinstri: Guðlaug Sveinsdóttir, Olga Færseth, Björg Hafsteinsdóttir, Anna María Sveinsdóttir, Anna María Sigurðardóttir, Þórdís Ingólfsdóttir og Árný Árnadóttir
DómarahorniðLeiðararTölfræðiSaganViðtalið