Í körfuknattleik er það þannig að ef vörnin gerir allt rétt þá á hún skilið að fá boltann. Dæmi; sókninni tekst ekki að framkvæma innkast innan fimm sekúndna, eða að sóknarliðið kemst ekki fram yfir miðju á átta sekúndum, þá fær vörnin boltann. Að maður tali nú ekki um 24 sekúnda regluna, hana þekkja allir.

Færri þekkja regluna “leikmanns vandlega gætt”. Leikmaður sem er með knöttinn inná vellinum má vera með hann eins lengi og hann vill innan 24 sek tímamarkanna, ef hann rekur knöttinn eða er ekki dekkaður. Ef leikmaður með knött er undir pressu (þannig að varnarmaður geti snert sóknarleikmanninn) verður hann að reyna knattrak, skot eða sendingu innan 5 sekúndna, annars er vörninni dæmdur knötturinn.

Breyting á tilmælum til dómara í ár er að í þessum kringumstæðum eiga dómarar að sýna talninguna með því að sveifla hendinni.