© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
7.3.2008 | Halldór Halldórsson
Mál nr. 1x2008
Ár 2008, föstudaginn 7. mars er dómþing Áfrýjunardómstóls KKÍ háð af Halldóri Halldórssyni, Boga Hjálmtýssyni og Jóhannesi Karli Sveinssyni í Íþróttamiðstöðinni í Laugardal.

Fyrir er tekið:
Mál nr. 1/2008
Þór Þorlákshöfn
gegn
KFÍ

Í málinu er kveðinn upp svofelldur

DÓMUR

I
Máli þessu var áfrýjað af hálfu KFÍ hinn 31. janúar 2008, áfrýjað er dómi Dómstóls KKÍ í máli nr. 1/2008 sem kveðinn var upp hinn 15. janúar sl.
Kröfur áfrýjanda eru svohljóðandi; ,,KFÍ gerir kröfu um að niðurstaða dómstóls KKÍ verði felld niður í gildi (sic) og að frestun formanns mótanefndar KKÍ á leik KFÍ og Þór Þorlákshöfn sem fram átti að fara 15. desember s.l. verði dæmd ómerk. Jafnframt er gerð krafa um að KFÍ verði dæmdur sigur í leiknum 20-0 og að Þór Þorlákshöfn verði gert að greiða þær sektir sem reglugerð KKÍ um körfuknattleiksmót kveður á um.“
Kröfur kærða eru þær aðallega að málinu verði vísað frá dómi en til vara að hann verði sýknaður af kröfum áfrýjanda.
II
Áfrýjandi hafði boðað að hann ætlaði að leiða sex vitni fyrir dóminn og var á það fallist af hálfu dómsins þó svo meginreglan sé sú að vitni komi fyrir Dómstól KKÍ en séu ekki leidd í fyrsta sinn við áfrýjun máls. Áfrýjandi boðaði hins vegar ekkert vitnanna þó svo honum hafi mátt vera ljóst að það var í hans verkahring að gera það. Engu að síður var tekin símaskýrsla af Ríkharði Hrafnkelssyni formanni mótanefndar KKÍ. Ríkharður bar fyrir dóminum að honum hefði ekki verið kunnugt um að forsvarsmenn kærða hefðu verið í sambandi við starfsmann mótanefndar morguninn sem leikurinn fór fram.
III
Fyrir liggur að mótanefnd KKÍ frestaði umræddum leik og óumdeilt er að nefndin hefur til þess fulla heimild og umboð sambandsins. Þegar af þessari ástæðu eru ekki efni til að taka kröfur áfrýjanda til greina og er hinn áfrýjaði dómur staðfestur með vísan til forsendna hans.

DÓMSORÐ
Hinn áfrýjaði dómur er staðfestur.

Halldór Halldórsson
Bogi Hjálmtýsson
Jóhannes Karl Sveinsson



Mótayfirlit
Mótayfirlit allra flokka
Frá keppni drengjalandsliðs Íslands í úrslitakeppni Evrópukeppninnar í Tyrklandi árið 1993.  Páll Kristinsson í leik gegn heimamönnum, Tyrkjum.
DómarahorniðLeiðararTölfræðiSaganViðtalið