Það er gaman að líta yfir lista þeirra félaga sem sent hafa meistaraflokk karla leiks í Íslandsmóti frá upphafi. Alls hafa 134 félög verið skráð til leiks í þeim 55 Íslandsmótum sem fram hafa farið og má segja að það sé vart til það bæjarfélag á Íslandi sem ekki hefur á einhverjum tímapunkti sent lið til þátttöku. Reykjavík, Seltjarnarnes, Kópavogur, Bessastaðahreppur, Garðabær, Hafnarfjörður, Vogar, Njarðvík, Keflavík, Garður, Sandgerði, Hafnir, Grindavík, Þorlákshöfn, Hveragerði, Selfoss, Laugarvatn, Flúðir, Hvolsvöllur, Hella, Vík, Hornafjörður, Fáskrúðsfjörður, Eskifjörður, Seyðisfjörður, Egilsstaðir, Eiðar, Vopnafjörður, Mývatnssveit, Laugar, Húsavík, Akureyri, Dalvík, Ólafsfjörður, Siglufjörður, Hofsós, Sauðárkrókur, Varmahlíð, Blönduós, Hvammstangi, Laugarbakki, Hólmavík, Ísafjörður, Bolungarvík, Hnífsdalur, Súðavík, Patreksfjörður, Grundarfjörður, Hellissandur, Ólafsvík, Stykkishólmur, Reykholt í Borgarfirði, Borgarnes, Stafholtstungur, Akranes og Mosfellsbær hafa öll átt félög sem hafa tekið þátt í Íslandsmóti.

Í Úrvalsdeild karla sem stofnuð var 1978 hafa tekið þátt 22 félög frá 16 bæjarfélögum, það er aðeins úr Reykjavík sem hafa komið fleiri en eitt félag. Höfundur þessarar greinar lifir þó aðeins í gömlum tíma og telur Keflavík og Njarðvík sitthvort bæjarfélagið eins og það var þegar bæði lið hófu leik í Úrvalsdeild. Reykjanesbær væri þá 23. bæjarfélagið!

En hér getur að líta lista yfir öll félög sem tekið hafa þátt í meistaraflokki karla og er efsta deild kölluð a, næst efsta b og svo deild c.

Ef einhverjar spurningar vakna, eða að fólk telur sig sjá villur í greininni þá er um að gera að hafa samband við greinarhöfund.