© 2000-2018 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
       
23.2.2005 | Halldór Halldórsson
Dómstóll KKÍ - Má4/2005
Ár 2005, miðvikudaginn 23. febrúar, er háð þing í Dómstól KKÍ af Halldóri Halldórssyni formanni dómsins.

Fyrir er tekið:
Mál nr. 4/2005.
Ungmennafélagið Kormákur
gegn
körfuknattleiksdeild Keflavíkur

Í málinu er kveðinn upp svofelldur

ÚRSKURÐUR
I
Kærandi er Ungmennafélagið Kormákur
Kærði er körfuknattleiksdeild Keflavíkur.
Kæran barst skrifstofu KKÍ í símbréfi 16. þessa mánaðar. Með kærunni barst afrit af leikskýrslu.
Dómkröfur kæranda.
Kröfur kæranda eru svohljóðandi; ,,Við hjá Umf. Kormáks sjáum okkur knúna til að kæra úrslit leik Keflavíkur og Kormáks í 8. flokki kvenna 1. deild A riðli, sjá meðfylgjandi leikskýrslu. ...,,Það er því krafa okkar að umrædd karfa verði færð til okkar og niðurtöður leiksins verði Keflavík 25 stig og Kormákur 26 stig.”
Ekki hefur verið leitað eftir afstöðu kærða.

II
Kæra sú sem fram er lögð í málinu er langt frá því að uppfylla ákvæði 6. gr. laga fyrir dómstóla KKÍ. Í nefndri 6. gr. er í 9 tölusettum liðum skýrlega kveðið á um þau atriði sem fram þurfa að koma í kæru. Þar er m.a gerð karfa um að nafn, kennitala, heimilisfang, síma,- fax- og tölvupóstfang kæranda skuli koma fram í kærunni. Sömu upplýsingar skulu koma fram varðandi kærða. Þá er gerð krafa um að greint sé frá því hver sé forsvarsmaður kæranda og upplýsingar er hann varðar. Greinargóð lýsing á því hvaða kröfur eru gerðar í málinu. Tilvísun til þeirra lagareglna sem við eiga. Hér hefur einungis verið nefndur hluti þeirra atriða sem ekki koma fram í kærunni þrátt fyrir skýrt ákvæði nefndrar 6. greinar.
Með hliðsjón af því sem að framan er rakið ber formanni dómstólsins skv. ákvæðum 7. gr. laga um dómstóla KKÍ að taka málið fyrir og vísa því frá dómi enda eru slíkir formgallar á málinu að það er ekki tækt til dóms. Máli þessu er því vísað frá dómi.
Halldór Halldórsson formaður dómstóls KKÍ kveður upp úrskurð þennan. Samkvæmt ákvæðum 5. gr. laga um dómstóla KKÍ hefur kærandi 3 daga frá því að honum varð kunnugt um þessa niðurstöðu til að leggja fram kæru að nýju.

ÚRSKURÐARORÐ
Máli þessu er vísað frá dómi.


Halldór Halldórsson

Mótayfirlit
Mótayfirlit allra flokka
Frá ferð A-landsliðs karla á mót á Möltu í desember 1986.  Einar Bollason þjálfari, Ívar Webster og Gylfi Þorkelsson í einni af hinum frægu gömlu rútum á Möltu.
DómarahorniðLeiðararTölfræðiSaganViðtalið