© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
22.2.2005 | Halldór Halldórsson
Dómstóll KKÍ - mál 3/2005
Ár 2005, þriðjudaginn 22. febrúar er dómþing dómstóls Körfuknattleikssambands Íslands háð af Halldór Halldórssyni formanni dómsins.

Fyrir er tekið:
Mál nr. 3/2005
Ungmennafélagið Þór Þorlákshöfn
gegn
Körfuknattleiksfélagi Akraness

Í málinu er kveðinn upp svofelldur

DÓMUR
I
Mál þetta er móttekið af skrifstofu KKÍ 9. febrúar sl. og gögn málsins send formanni dómsins með símbréfi sama dag. Kærandi er Ungmennafélagið Þór Þorlákshöfn Oddabraut 17, Þorlákshöfn.( Þór) Kærði er Körfuknattleiksfélag Akraness. (KFA)
Dómsformaður ákvað að málið skyldi sæta flýtimeðferð skv. 8. gr. laga um dómstól KKÍ.
Dómkröfur.
Kærandi krefst þess að úrslit leiks Þórs gegn KFA í 1. deild meistaraflokks karla sem fram fór 8. febrúar sl. verði dæmd ógild og kæranda dæmdur sigur í leiknum.
Kærði krefst aðallega sýknu af kröfum kæranda en til vara að leikurinn verði leikinn að nýju.
Eftirtalin skjöl hafa verið lögð fram í málinu. Nr. 1 kæra. Nr. 2 leikskýrsla leiks aðila málsins sem fram fór 8. febrúar sl. Nr. 3 andsvar kærða (tölvupóstur).
II
Málavextir
Þann 14. janúar sl. átti að fara fram leikur milli aðila máls þessa á Akranesi. Leiknum varð að fresta af óviðráðanlegum ástæðum þar sem leikklukka í íþróttahúsi var biluð. Leikurinn fór fram 8. þessa mánaðar.
III
Sjónarmið aðila.
Sem rökstuðning fyrir kröfum sínum vísar kærandi til 14. gr. reglugerðar um körfuknattleiksmót. Kærandi telur að Bjarni Magnússon leikmaður kærða nr. 13 á leikskýrslu hafi samkvæmt yfirliti félagaskipta á heimasíðu KKÍ orðið gjaldgengur með KFA 5. febrúar sl. og af þeim sökum hafi hann ekki verið löglegur með liði KFA 14. janúar sl. og þar af leiðandi hafi hann ekki mátt taka þátt í leiknum sem fór fram 8. febrúar sl.
Kærði bendir á að hann hafi ekki átt sök á því að leiknum varð að fresta. Þá kveður hann Bjarna Magnússon hafa sótt um félagskipti í nóvember sl. en vegna misskilnings hafi félagaskiptagjald ekki verið greitt strax og af þeim sökum hafi hann ekki orðið löglegur fyrr en 5. febrúar. Hann hafi hins vegar æft með liðinu í nokkurn tíma. Kærði bendir og á að honum hafi ekki verið kunnugt um ákvæðið sem kærandi byggir á. Kærði tekur fram að honum þyki ódrengilegt af kæranda að benda kærða ekki á þetta ákvæði fyrir leik í stað þess að láta leikinn fara fram og kæra síðan að honum loknum.
IV
Niðurstaða
Þegar kæra kom barst dóminum hlutaðist dómari málsins til um að kærða yrði gefinn frestur til að skila greinargerð sem hann gerði, dskj. nr. 3. Þegar fyrir lá að kærði ber ekki fyrir sig að leikmaðurinn hafi verið löglegur í leiknum ákvað dómsformaður dómstóls KKÍ að dæma málið sjálfur í samræmi við niðurlagsákvæð 8. gr. laga um dómstól KKÍ.
Nefnd 14. gr. fjallar um frestun leikja. Ákvæði 4. mgr. greinarinnar er svohljóðandi; ,,Þurfi að endurtaka leik, eða hafi leik verið frestað, hafa þeir einir rétt til þátttöku, sem til þess höfðu rétt fyrir upphaflega leikinn.” Ákvæðið er því mjög skýrt og augljóst að Bjarna Magnússyni var ekki heimilt að taka þátt í þessum leik fyrir hönd KFA. Ókunnugleiki kærða á þeim reglum sem gilda um körfuknattleiksmót getur ekki leitt til þess að leika skuli leikinn að nýju.
Með því að Bjarni Magnússon lék umræddan leik telst lið kærða hafa verið ólöglega skipað. Þegar af þessari ástæðu verður að taka kröfu kæranda til greina. Samkvæmt 2. mgr. 11. gr. reglugerðar um körfuknattleiksmót telst lið sem ólöglega er skipað hafa tapað leik í samræmi við reglur FÍBA hverju sinni. Reglur FÍBA sem hér eiga við er, grein 30 liður 2.1, kveða á um að lið sem tapar leik af einhverjum ástæðum tapi honum með stigatölunni 20-0. Telst KFA því hafa tapað nefndum leik með stigatölunni 20-0.
Halldór Halldórsson formaður dómstóls KKÍ kveður upp dóm þennan.

DÓMSORÐ.
Körfuknattleiksfélag Akraness telst hafa tapað leik gegn Þór Þorlákshöfn í 1. deild karla sem fram fór 8. febrúar 2005 með stigatölunni 0-20.


Halldór Halldórsson.

Dómurinn er sendur til KKÍ í tölvupósti og skrifstofu sambandsins falið að birta dóminn fyrir aðilum. Dóminn skal birta á heimasíðu KKÍ í samræmi við ákvæði 17. gr. laga um dómstóla KKÍ.


Mótayfirlit
Mótayfirlit allra flokka
Páll Axel Vilbergsson að skjóta yfir Panagiotis Trisokkas, leikmann Kýpur, á Smáþjóðaleikunum 2009. Ísland tapaði leiknum 54-87. Með sigrinum tryggði Kýpur sér nánast gullið þó þetta væri aðeins annar leikdagur leikanna. Kýpur vann gullið að lokum og Ísland fékk bronsið.
DómarahorniðLeiðararTölfræðiSaganViðtalið