© 2000-2018 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
       
10.12.2004 | Bogi Hjálmtýsson
Dómstóll KKÍ - Mál nr. 6/2004
Ár 2004, föstudaginn 10. desember er dómþing körfuknattleiksdómstóls KKÍ sett og háð af Boga Hjálmtýssyni, að Bæjarhrauni 18, Hafnarfirði.

Fyrir er tekið:
Mál nr. 6/2004
U.M.F. Glói
gegn
U.M.F. Þrótti.
Í málinu er kveðinn upp svofelldur:

DÓMUR.

I.
Mál þetta var móttekið af skrifstofu KKÍ þann 12. nóvember 2004. Kærandi er Ungmennafélagið Glói, kt. 490695-3389. Kærður er Ungmennafélagið Þróttur.
Málinu var úthlutað undirrituðum dómara í dómstól KKÍ þann 2. desember 2004. Málið var þingfest í dag. Dómari tók þá ákvörðun að málið skyldi ekki flutt munnlega og að ekki yrði teknar vitna- eða aðilaskýrslur fyrir dómþingi.

Dómkröfur:
Kærandi krefst þess að U.M.F. Glóa verði úrskurðaður sigurvegari í leik liðanna sem fram fór á heimavelli U.M.F. Þróttar þann 6. nóvember 2004. Til vara er gerð sú krafa að leikurinn verði látinn fara fram að nýju.
Kærði gerir þá kröfu að úrslit leiksins skuli standa.

Eftirtalin skjöl hafa verið lögð fram í málinu;
Nr. 1 kæra, ódags.
Nr. 2 afrit leikskýrslu af leik U.M.F. Glóa og U.M.F. Þróttar.
Nr. 3 afrit af tilkynningu til U.M.F. Þróttar um greinargerðarfrest dags. 7. des. 2004.
Nr. 4 greinargerð kærða dags.
Nr. 5. afrit af tölvubréfi dómara leiksins dags. 15. nóv. 2004.
Nr. 6. staðfesting frá KKÍ dags. 8. des. 2004.



II.
Sem rökstuðning fyrir kröfum sínum vísar kærandi til leikreglna KKÍ, reglu 1.3, reglu 16.2 einkum 3.tl. og reglu 8.7, en kærandi telur að í 2. leikhluta hafi leikmaður U.M.F. Glóa skorað þriggja stiga körfu, dómari gefið merki um 3 stig, karfan færð á skýrslu sem þriggja stiga en einungis hafi verið gefin 2 stig og því hafi leikurinn farið í framlengingu sem U.M.F. Glói hafi síðan tapað.

III.
Niðurstaða:
Fyrir liggur í málinu að leikskýrslan var undirrituð af dómara leiksins og einnig liggur fyrir yfirlýsing frá dómara um yfirferð hans og leiðréttingu á leikskýrslu. Í 3.mgr. gr. 48.3, gr. 44.2.8 og gr. 44.2.9 í leikreglum KKÍ kemur fram að ekki sé hægt að leiðrétta mistök eftir að dómari hefur undirritað skýrsluna.
Niðurstaða málsins byggir á því að ekki sé nauðsynlegt að leita eftir því hvort um mistök hafi verið að ræða eða ekki og því ekki nauðsyn að flytja málið munnlega eða leiða fram vitna- og aðilaskýrslur. Jafnvel þó svo að mistök yrðu sönnuð þá verða þau mistök ekki leiðrétt samkvæmt framangreindu auk þess sem mistök sem dómarar sem og starfsmenn ritaraborðs kunna að gera eru viðkennd í dómaframkvæmd sem hluti af leiknum og verða ekki leiðrétt eftir á.
Samkvæmt framansögðu er það niðurstaða dómsins að úrslit leiksins skulu standa.

Bogi Hjálmtýsson, dómari í dómstól KKÍ kveður upp dóm þennan.

DÓMSORÐ.
Úrslit í leik milli aðila þessa máls sem fram fór þann 6. nóvember 2004 skulu óhögguð standa.

Bogi Hjálmtýsson


Dómurinn er sendur til KKÍ í tölvupósti. Dóminn skal birta á heimasíðu KKÍ í samræmi við ákvæði 17. gr. laga um dómstól KKÍ.




Ár 2004, föstudaginn 10. desember er dómþing körfuknattleiksdómstóls KKÍ sett og háð af Boga Hjálmtýssyni, að Bæjarhrauni 18, Hafnarfirði og fyrir tekið;

að þingfesta
Mál nr. 6/2004
U.M.F. Glói
gegn
U.M.F. Þrótti.

Mættur f.h. kærenda, Jón Gunnar Sigurgeirsson kt. 080679-3279, Hörgsholti 31, Hafnarfirði o.f.h. kærða, Óskar Burns, kt. 280180-6379, Vogagerði 2, Vatnsleysu.

Eftirtalin skjöl hafa verið lögð fram í málinu;
Nr. 1 kæra, ódags.
Nr. 2 afrit leikskýrslu af leik U.M.F. Glóa og U.M.F. Þróttar.
Nr. 3 afrit af tilkynningu til U.M.F. Þróttar um greinargerðarfrest dags. 7. des. 2004.
Nr. 4 greinargerð kærða dags.
Nr. 5. afrit af tölvubréfi dómara leiksins dags. 15. nóv. 2004.
Nr. 6. staðfesting frá KKÍ dags. 9. des. 2004.

Aðilum málsins eru afhent þau skjöl málsins sem þeir óska eftir. Aðilar eru upplýstir um ákvörðun dómara að málið skuli ekki flutt munnlega og að ekki verði teknar vitna- eða aðilaskýrslur fyrir dómþingi.
Mættu óska ekki eftir því að koma fram með frekari athugasemdir.
Aðilum málsins er afhent afrit af úrskurði.
Aðilum málsins er kynntur réttur til áfrýjunar.

Þannig fram farið,
Upplesið, staðfest.

Jón Gunnar Sigurgeirsson (sign)
Óskar Burns (sign)
Bogi Hjálmtýsson (sign)
Mótayfirlit
Mótayfirlit allra flokka
Sigrún Ámundadóttir í þriðja leik Hauka og Keflavíkur í úrslitum Íslandsmótsins 2007.
DómarahorniðLeiðararTölfræðiSaganViðtalið