Lokahóf KKÍ fer fram í Stapanum í Njarðvík 16. apríl næstkomandi. Eins og öllum er kunnugt er þetta uppskeruhátíð allra þeirra sem hafa komið að boltanum í vetur. Leikmenn, dómarar, þjálfarar, stjórnarmenn og fleiri mæta til að gera upp veturinn, sýna sig og sjá aðra. Einstaklingsverðlaun fyrir þá sem skarað hafa framúr í vetur verða veitt og niðurstöður úr kosningum um bestu leikmenn þjálfara og dómara vetrarins kynntar.

Stefnt er að því að hafa hófið sem glæsilegast. Stapinn hefur verið endurnýjaður og skartar nú sínu fegursta. Hljómsveitin í Svörtum fötum mun sjá um að halda uppi fjörinu fram á nótt. Tina Turner mun kíkja á svæðið og boðið verður upp á fleira óvænt og skemmtilegt.

Muna að taka frá 16. apríl.