FIBA hefur skráð þrjú tilfelli lyfjamisnotkunar á árinu 2002 þar sem þekktir körfuknattleiksmenn í fremstu röð hafa fallið. Þeir eru frá Tyrklandi, Grikklandi og Brasilíu. Efnið sem fannst hjá þeim var í öllum tilfellum Nandrolone og allir voru leikmennirnir dæmdir í tveggja ára bann skv. reglum FIBA.

Í öllum tilfellum hélt íþróttamaðurinn því fram að hann hefði neytt fæðubótaefna og ekki áttað sig á að þau innihéldu anabólíska stera.

FIBA hefur sérstakar áhyggjur af aukinni notkuná ýmisum efnum sem auglýst eru orkuaukandi, án þess raunverulega vera það (creatine, minerals, amino-acids, poly-vitaminic complexes osfrv.) sem selt er út um allan heim. Sumir framleiðendur bæta við framleiðslu sína forstigshormónum frá testosterone, nandrolone og blodenone til að auka áhrif efnisins sem þeir selja, en þessi efni eru meðal þeirra hættulegustu og alvarlegustu þegar um lyfjamisferli er að ræða.

Fæðubótarefni er framleitt í pakningum sem gefa oft ekki til kynna innihaldið og eru stundum með rangar fullyrðingar um að efnið standist kröfur og reglugerðir Alþjóða Ólympíunefndarinnar.

Leikmenn í körfuknattleik og þeir sem ábyrgir eru fyrir heilsu þeirra geta, vegna skorts á upplýsingum, lent í þessari gildru og gerst sekir um lyfjamisnotkun. Auðvitað er það þó alltaf íþróttamaðurinn sjálfur sem er ábyrgur fyrir því sem hann lætur inn fyrir sínar varir. Hvort hann fái góð ráð eða ekki er allt annað mál.

Þetta er ástæðan fyrir því að FIBA hefur ákveðið að setja af stað herferð meðal hinna 212 aðildarlanda sambandsins til að kynna þá hættu sem getur verið samfara notkun fæðubótarefna.

Í framhaldi af þeim upplýsingum sem settar voru fram af Alþjóða Ólympíunefndinni í apríl 2002 og af íþróttamönnum sjálfum á ráðstefnu í október 2002 vonast FIBA til að stjórnvöld í hverju landi fyrir sig geri þá kröfi til framleiðenda fæðubótarefna að þeir merki vörur sínar á fullnægjandi hátt. Einnig að Olympíuhreyfingin, WADA og Evrópusambandið standi fyrir herferð í fjölmiðlum þar sem bent er á þá hættu sem er samfara notkun ólöglegra efna