Keflavík varð í dag bikarmeistari í karlaflokki í fjórða sinn eftir 95-71 sigur á Snæfelli í úrslitaleik í bikarkeppni KKÍ og Doritos í Laugardalshöllinni í dag. Keflavík náði mest 32 stiga forskoti í fjórða leikhluta og vann öruggan sigur. Damon Johnson var tveimur stoðsendingum frá þrefaldri tvennu með 27 stig, 13 fráköst og 8 stoðsendingar og Edmund Saunders skoraði 19 stig og tók 11 fráköst. Hjá Snæfelli skoraði Clifton Bush mest eða 30 stig og tók að auki 14 fráköst.

Keflavík-Snæfell 95-71
1. leikhluti: 19-16
2. leikhluti: 27-17 (46-33)
3. leikhluti: 27-11 (73-44)
4. leikhluti: 22-27 (95-71)

Atkvæðamestir hjá Keflavík:
Damon Johnson 27 stig, 13 fráköst, 8 stoðsendingar, 3 stolnir, 3 varin skot, hitti úr 10 af 16 skotum sínum
Edmund Saunders 19 stig, 11 fráköst, 4 stolnir
Magnús Þór Gunnarsson 11 stig
Gunnar Einarsson 10 stig
Falur Harðarson 6 stig
Davíð Þór Jónsson 6 stig
Sverrir Þór Sverrisson 6 stig, 5 stolnir, 4 stoðsendingar
Gunnar Stefánsson 6 stig á 7 mínútum
Jón Nordal Hafsteinsson 2 stig
Guðjón Skúlason 2 stig

Atkvæðamestir hjá Snæfelli:
Clifton Bush 30, 14 fráköst, 4 stoðsendingar
Hlynur Bæringsson 18 stig, 6 fráköst
Lýður Vignisson 10 stig
Helgi Reynir Guðmundsson 7 stig, 7 stoðsendingar
Jón Ólafur Jónsson 6 stig, 8 fráköst

Þetta er fjórði bikarmeistaratitill Keflavíkur í karlaflokki. Bikarinn fór fyrst til Keflavíkur 1993 eftir einmitt sigur á Snæfelli, svo aftur árið 1994 og síðast fyrir daginn í dag árið 1997 en það ár vann Keflavík fjórfalt en þetta var annar titill liðsins í vetur því keflavík vann Kjörísbikarinn í nóvember með 75-74 sigri á Grindavík í úrslitaleik.