Nú er HM í körubolta hafið en fyrsti leikdagur er í dag. FIBA og Twitter hafa tekið höndum saman og kynna skemmtilega þjónustu sem sendir þeim sem vilja stöðuna í rauntíma.

Það eina sem þarf að gera er að tísta á "@FIBA scores" og um hæl kemur mynd með stöðunni í leikjum dagisins sem eru í gangi og úrslit úr þeim leikjum sem er lokið.

Á myndinni má sjá hvernig þetta lítur út en þetta er frábær þjónusta og hægt að kalla hana fram hvar og hvenær sem körfuboltaáhugamenn eru staddir hverju sinni.

Einnig er hægt að ná í FIBA Game Center-appið og fylgjast með stöðunni þar bæði á IOS og Android tækjum eða sjá lifandi tölfræði á heimsíðu mótsins með hefðbundnum hætti á www.fiba.com/spain2014.

Einnig minnum við á að fyrir um 700 kr. er hægt að kaupa aðgang á netinu að beinum útsendingum frá öllum leikjum mótsins í góðum gæðum og öflugum straum frá sjónvarpsíðu FIBA hérna og styrkja KKÍ um leið því hluti söluandvirðis af áskriftum pöntuðum í gegnum kki.is rennur til sambandsins.

Góða skemmtun!