Körfuknattleikssamband Íslands hefur nú nýlega undirritað samninga bæði við Norðurljós og RÚV um útsendingar frá leikjum og kynningu á körfuknattleik.

Samningur KKÍ og Norðurljósa felur það í sér að SÝN hefur forgangsrétt að beinum útsendingum frá Intersportdeildinni og úrslitakeppni Intersportdeildarinnar. Allar umferðir í Intersportdeildinni og í úrslitakeppninni verða auglýstar á SÝN.

Samningur KKÍ og RÚV felur í sér að RÚV hefur forgangsrétt að beinum útsendingum frá leikjum í Kjörísbikar karla og kvenna sem og leikjum í Bikarkeppni KKÍ og Doritos og mun RÚV kynna þá leiki. Fyrsti leikurinn sem RÚV mun sýna beint frá er leikur Hamars og KR í 8 liða úrslitum Kjörísbikarsins sem fram fer næstkomandi laugardag.

Er þetta í fyrsta sinn sem KKÍ hefur gert samning við báðar sjónvarpsstöðvarnar á sama keppnistímabilinu.