Intersport á Íslandi og Körfuknattleikssamband Íslands hafa náð samkomulagi um að Intersport verði helsti syrktaraðili úrvalsdeildar karla í körfuknattleik leiktímabilin 2002-2005. Með samkomulaginu hlýtur úrvalsdeildin nafnið INTERSPORT-deildin í körfuknattleik.

Vegur körfuknattleiks hefur farið sívaxandi undanfarin ár og körfuboltinn er nú meðal vinsælustu íþróttagreina hér á landi með fjölda afreksmanna í sínum röðum. Við styðjum körfuboltann þó ekki bara sem grein fyrir afreksmenn, heldur ekki síst af því að körfubolti er íþrótt fyrir alla: hann er jafnskemmtilegur sem götusport og skipulögð hópíþrótt.

Við fögnum hinum nýja samningi og erum viss um að samstarfið verður báðum aðilum til hagsbóta.


STÆRSTA SPORTVÖRUVERSLUN LANDSINS
– OG SÚ STÆRSTA Í HEIMI

Verslanir INTERSPORT eru nú 3 á landinu, að Bíldshöfða 20, í Smáralind og á Selfossi. Verslunin að Bíldshöfða er meðal stærstu íþróttaverslana á Norðurlöndum og allar Intersport verslanir okkar státa af úrvali og þjónustu í heimsklassa.

INTERSPORT er alþjóðleg verslanakeðja með starfsemi um allan heim. Verslanir Intersport eru um 4.700 talsins í 25 þjóðlöndum og er ársvelta þeirra yfir 450 milljarðar íslenskra króna, eða nærri tvöföld íslensku fjárlögin.

Fréttatilkynning 9. október 2002

INTERSPORT
Bíldshöfða 20

Nánari upplýsingar: Sverrir Þorsteinsson framkvæmdastjóri, s: 510 8020


mt: Frá blaðamannafundi KKÍ og INTERSPORT sem haldinn var í verslun INTERSPORT í Smáralind í dag.