S | M | Þ | M | F | F | L |
1 |
2 |
3 |
4 |
5 |
6 |
7 |
8 |
9 |
10 |
11 |
12 |
13 |
14 |
15 |
16 |
17 |
18 |
19 |
20 |
21 |
22 |
23 |
24 |
25 |
26 |
27 |
28 |
29 |
30 |
23.8.2014 | 8:00 | Stefán | Landslið
Hlynur í tíunda sinn yfir tíu fráköst í Evrópuleik
![]() Hlynur eitt bros að loknum leik Bretlands og Íslands
Hlynur tók 13 fráköst í leiknum þar af komu 7 þeirra í sókninni. Hlynur hefur alls tekið 33 í fyrstu þremur leikjum íslenska liðsins í undankeppninni í ár og er frákasthæsti leikmaður undankeppninnar með 11,0 fráköst að meðaltali í leik. Hlynur var þarna að spila sinn tíunda Evrópuleik þar sem hann nær að taka yfir tíu fráköst en alls hefur Hlynur náð í 252 fráköst í 31 Evrópuleik. Átta af þessum tíu-frákasta leikjum hafa komið á síðustu þremur árum eða síðan að hann tók við fyrirliðabandi liðsins. Hlynur náði sex af fráköstum sínum í fyrri hálfleiknum og sjö komu í seinni hálfleik. Hlynur náði líka þremur af sóknarfráköstunum í þriðja leikhlutanum sem íslenska liðið vann 28-16 og snéri við leiknum. Hlynur er alltaf afar öflugur í sóknarfráköstunum en er "aðeins" sjö sóknarfráköstum frá því að taka hundrað slík í Evrópuleikjum með íslenska landsliðinu. Frákasta-tölfræði Hlyns Bæringssonar í Evrópuleikjum: 2014 - 33 fráköst í 3 leikjum, 11,0 fráköst í leik 2013 - 33 fráköst í 4 leikjum, 8,3 í leik 2012 - 92 fráköst í 10 leikjum, 9,2 í leik 2009 - 8 fráköst í 1 leik, 8,0 í leik 2008 - 25 fráköst í 4 leikjum, 8,0 í leik 2006 - 36 fráköst í 4 leikjum, 9,0 í leik 2005 - 14 fráköst í 2 leikjum, 7,0 í leik 2004 - 10 fráköst í 2 leikjum, 5,0 í leik 2000 - 1 frákast í 1 leik, 1,0 í leik |