© 2000-2020 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
         
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
22.8.2014 | 13:48 | Stefán | Landslið
Hæsta stigaskor af bekknum í Evrópuleik síðan 2006
Jón Arnór var stigahæstur í leiknum
Jón Arnór Stefánsson skoraði 23 stig í sigrinum á Bretum í Koparkassanum á miðvikudagskvöldið en hann var stigahæsti leikmaður íslenska liðsins þrátt fyrir að byrja leikinn á bekknum.

Jón Arnór kom inn á völlinn eftir þrjár og hálfa mínútu og var strax kominn með fimm stig eftir rúmar tvær mínútur inn í leiknum. Jón Arnór skoraði 9 stig á 12 mínútum í fyrri hálfleik og fylgdi því eftir með 14 stigum á 17 mínútum í þeim seinni en hann byrjaði seinni hálfleikinn.

Með því að koma með þessi 23 stig af bekknum varð Jón Arnór fyrsti leikmaðurinn í tæp átta ár til að koma með 23 stig eða fleiri af varamannabekknum.

Síðasti "varamaðurinn" sem náði þessu í leik með íslenska landsliðinu í Evrópukeppni var Logi Gunnarsson sem skoraði 23 stig í leik á móti Lúxemborg í Keflavík 13. september 2006.

Enginn annar en Logi hafði náð að koma með 23 stig eða fleiri af bekknum í Evrópuleik undanfarin 19 ár en því hefur Logi alls náð þrisvar sinnum og þar á meðal skoraði hann 29 stig á 23 mínútum á móti Slóveníu í nóvember 2000.

Þetta var samt önnur tuttugu stiga frammistaða íslensks leikmanns í Evrópuleikjum haustsins því Martin Hermannsson kom með 22 stig inn af bekknum í sigrinum á Bretum í fyrri leik liðanna í Laugardalshöllinni.

Síðustu 23 stiga-mennirnir í Evrópuleik sem hafa byrjað á bekknum:
23 stig - Jón Arnór Stefánsson 20. ágúst 2014 á móti Bretlandi í London
23 stig - Logi Gunnarsson, 13. september 2006 á móti Lúxemborg í Keflavík
24 stig - Logi Gunnarsson, 29. ágúst 2001 á móti Sviss í Njarðvík
29 stig - Logi Gunnarsson, 29. nóvember 2000 á móti Slóveníu í Laugardalshöllinni
23 stig - Guðjón Skúlason, 25. maí 1995 á móti Portúgal í Lugano
35 stig - Guðjón Skúlason, 26. júní 1993 á móti Litháen í Vín
23 stig - Jón Arnar Ingvarsson, 4. maí 1991 á móti Noregi í Laugardalshöllinni
Mótayfirlit
Mótayfirlit allra flokka
A-landslið kvenna á röltinu í Belgrad sumarið 2008. Liðið var á keppnisferðalagi en stelpurnar léku við Svartfjallaland í ferðinni.
DómarahorniðLeiðararTölfræðiSaganViðtalið