© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
15.8.2014 | 11:38 | Stefán | Landslið
Pabbi Martins var í liðinu þegar Ísland lék síðast í Bosníu
Hermann og Friðrik eiga syni í karlalandsliðinu
Íslenska karlalandsliðið mætir Bosníumönnum í Tuzla á sunnudagskvöldið í öðrum leik sínum í undankeppni Evrópumótsins 2015 en þetta er aðeins annar A-landsleikur Íslands í Bosníu frá upphafi.

Ísland heimsótti Bosníumenn síðast í lok febrúarmánaðar 1998 en þjóðirnar mættust þá í milliriðli Evrópumótsins. Bosníumenn voru með besta liðið í riðlinum (9 sigrar í 10 leikjum) og unnu leikinn með 25 stiga mun, 109-84.

Leikurinn fór fram í Sarajevo fyrir framan 6500 manns. Bosníumenn voru með 19 stiga forskot í hálfleik, 57-38, og unnu svo seinni hálfleikinn með sex stigum, 52-46.

Teitur Örlygsson var stigahæstur í íslenska liðinu með 23 stig á 27 mínútum en hann setti niður fimm þrista í leiknum. Herbert Arnarson var næststigahæstur með 15 stig á 19 mínútum.

Íslenska liðið skoraði þrettán þrista í leiknum (40 prósent nýting) sem er frábær árangur en tveggja stiga körfurnar voru aðeins samtals fjórtán og Bosnía vann fráköstin 29-12 samkvæmt tölfræði FIBA.

Það eru ein tengsl á milli þessa leiks og leiksins í Tuzla á sunnudagskvöldið. Hermann Hauksson lék með íslenska liðinu í Bosníu fyrir rúmum sextán árum en í dag spilar sonur hans Martin Hermannsson stórt hlutverk í íslenska körfuboltalandsliðinu.

Þess má reyndar geta að Herbert Arnarson er í fararstjórateymi landsliðsins í Bosníu en hann var eins og áður segir leikmaður 1998.

Hermann spilaði í 27 mínútur í leiknum en hitti aðeins úr 1 af 6 skotum og var með 4 stig, 1 frákast og 1 stoðsendingu.
Mótayfirlit
Mótayfirlit allra flokka
Vinna við að skipta um gólf á DHL-höllinni í fullum gangi sumarið 2007. Hér tekur hópurinn sem var í því að rífa upp gamla gólfið pásu og stillir sér upp fyrir myndatöku.
DómarahorniðLeiðararTölfræðiSaganViðtalið