Seinni helgi sumarsins í Afreksbúðum KKÍ fer fram næstu helgi. Búðirnar fara fram í íþróttahúsinu á Álftanesi bæði laugardag og sunnudag fyrir stúlkur og drengi sem eru 14 ára eða fædd árið 2000.

Um er að ræða 50 leikmenn í hvorum hópi efnulegustu leikmanna landsins sem boðaðir voru eftir Úrvalsbúðir í fyrra í elsta árganginum.

Æfingatímar verða eftirfarandi hjá stelpum og strákum:
Stelpur æfa kl. 12-14 og 16-18 laugardag og síðan kl. 10.15-12.00 og 14-16 sunnudag
Strákar æfa kl. 10.15-12.00 og 14-16 laugardag og kl. 12-14 og 16-18 sunnudag.

Yfirþjálfarar búðanna eru Helena Sverrisdóttir hjá stelpunum og Jóhannes A. Kristbjörnsson en þeim til halds og trausts verða valinkunnir aðstoðarþjálfarar.