Þau Birna Valgerður Benonýsdóttir og Arnór Sveinsson ásamt Ingvari Guðjónsyni þjálfara héldu gærkvöldi áleiðis til Tyrklands í boði tyrkneska körfuknattleikssambandsins í Camp Pass It On sem fara fram í Istanbúl dagana 11.-.17. ágúst.

Um er að ræða veglegar körfuboltabúðir þar sem tveim leikmönnum, strák og stelpu sem eru 14 ára, ásamt efnilegum þjálfara, er boðið að taka þátt allstaðar að úr heiminum. Á hverjum degi eru körfuboltaæfingar, hópavinna og fræðsla fyrir leikmenn ásamt því sem þjálfarar fara í fyrirlestra og fræðslu og stýra svo æfingum hjá hópi leikmanna.

Auk þess eru ýmsar uppákomur og skoðunarferðir í frítíma fyrir alla.

Búðirnar hafa verið haldnar einu sinni áður og létu leikmenn og þjálfari þá gríðarlega vel af búðunum og um er að ræða frábæra upplifun þátttakenda.

KKÍ.is mun flytja fréttir af þeim að utan á næstu dögum.