Fimmtudaginn 7. ágúst kl. 15.00-17.00 mun KKÍ vera með opna fjölmiðlaæfingu í Laugardalshöllinni með landsliði karla. Leikmenn og þjálfarar verða síðan klárir í viðtöl við lok æfingar.

Landsliðið æfir þessa dagana af krafti og undirbýr sig fyrir undankeppni Evrópukeppninnar á næsta ári, EuroBasket 2015, en fyrsti leikur liðsins er á sunnudaginn kemur í Laugardalshöllinni kl. 19.00 gegn Bretlandi.

Miðasala er hafin á midi.is.

Síðan halda strákarnir út til Bosníu og Englands í útileiki dagana 17. og 20. ágúst og taka svo á móti Bosníu-mönnum hér heima miðvikudaginn 27. ágúst.