© 2000-2020 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
       
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
2.8.2014 | 20:28 | ERH
Sigur gegn Lúx hjá U18 og leikið gegn Norðmönnum um 9.sæti
Íslenska U18 landslið karla lék í dag gegn Lúxemborg í krossspili þar sem barist var um að leika um níunda sætið á EM hér í Sofia í Búlgaríu. Íslenska liðið landaði 68-59 sigri og verður að segjast að þetta var daprasti leikur okkar manna í mótinu sem þó hertu sig varnarlega í síðari hálfleik sem skilaði öruggum sigri á endanum.

Strákarnir hófu leikinn af krafti og komust í 13-2 en þá var eins og liðið færi í hlutlausan gír og hittni liðsins í fyrri hálfleik var afleit (10 af 40) og strákunum tókst ekki að skilja Lúxemborgarliðið eftir. Staðan í hálfleik var 32-27 fyrir íslenska liðið, sem átti mikið inni eftir fyrri hálfleikinn. Pétur Rúnar fékk vænt högg í hálfleiknum og fékk hann vænan skurð á kinnbeinið.

Síðari hálfleikurinn fór samt ekkert vel af stað og um tíma komust Lúxemborg yfir enda baráttuglaðir strákar, en okkar menn leiddu 44-41 eftir þrjá leikhluta. Strákarnir afgreiddu leikinn þó snemma í fjórða leikhluta þegar þeir náðu mest 13 stiga forystu og héldu góðri forystu til loka leiks, en eins og áður sagði þá hafa strákarnir leikið betur í öllum leikjum mótsins til þessa. Sigurinn var þó fyrir öllu og drengirnir eru staðráðnir í að ljúka mótinu af krafti á morgun, en þá mæta þeir Norðmönnum öðru sinni í leik um níunda sætið í mótinu, en Norðmenn unnu Dani nokkuð örugglega fyrr í dag.

Daði Lár Jónsson var sterkastur leikmanna Íslands í dag. Hann kom inn með mikinn kraft í síðari hálfleik og dró liðið áfram. Daði skilaði 5 stigum, tók 3 fráköst og gaf 3 stoðsendingar og spilaði að auki hörku vörn. Jón Axel Guðmundsson var með 21 stig en hefur oftast hitt betur. Jón reif að auki niður 8 fráköst og stal 4 boltum. Kári Jónsson gerði 12 stig , tók 4 fráköst og gaf 3 stoðsendingar en tíu af tólf leikmönnum liðsins skoruðu að þessu sinni.

Tölfræði leiksins

Leifur Sigfinnur Garðarsson dæmdi fyrr í dag leik Austurríkis og Hollands.

Lokaleikurinn hjá strákunum á morgun er kl 15:15 að íslenskum tíma.
Mótayfirlit
Mótayfirlit allra flokka
Smáþjóðaleikarnir fóru fram í sumarparadísinni Kýpur árið 2009. Liðin hittu á frábært veður alla keppnina en við því mátti svo sem búast enda ágætis veður í Miðjarðarhafinu næstum allt árið. Hér eru leikmenn kvennalandsliðsins ásamt Loga Gunnarssyni búin að stilla sér upp í smá myndatöku.
DómarahorniðLeiðararTölfræðiSaganViðtalið