Síðastliðnar tvær helgar kom úrtökuhópur stúlkna fæddar 1985 og síðar saman til æfinga. Úr þessum hópi verður síðan valið U-18 landslið kvenna sem keppir á Promotion Cup fyrir hönd Íslands í ágúst næstkomandi. Af þeim 72 sem boðaðar voru mættu 52, alls staðar að af landinu. Um jólin verður svo valinn 30 manna hópur til æfinga og eftir áramót mun liðið spila æfingaleiki. Liðið mun svo æfa af krafti allt næstkomandi sumar.

Ágúst Björgvinsson þjálfari liðsins var mjög ánægður með hópinn og þá sér í lagi þá staðreynd að meirhlutinn af hópnum var kominn utan af landi. Stelpurnar voru mjög áhugasamar og margar þeirra bráðefnilegar.