Leifur Sigfinnur Garðarsson FIBA dómari dæmir í dag sinn fimmta leik á fimm dögum á EM U18 karla í Búlgaríu. Leifur dæmir að þessu sinni leik Ungverja og Rúmena í B riðli.
Þess má geta að Leifur endurnýjaði FIBA réttindi sín í vor.

Það er nóg að gera hjá dómurum rétt eins og leikmönnum og hefur Leifur haft í nógu að snúast. Leikurinn sem hann dæmir í dag fer fram á sama tíma og Ísland og Ísrael mætast en mótið fer fram í tveimur höllum.

Til þessa hefur Leifur dæmt eftirtalda leiki:
Danmörk vs Írland
Írland vs Portúgal
Þýskaland vs Eistland
Danmörk vs Skotland
Ungverjaland vs Rúmenía

Á morgun er frídagur þar sem riðlakeppni lýkur í dag. Á miðvikudag og fimmtudag eru svo leikir í milliriðlum og á föstudag er annar frídagur áður en mótið klárast á laugardag og sunnudag með krossspili og leik um sæti.