© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
20.7.2014 | 20:14 | sara
Fyrsti sigur u18 ára liðsins í höfn í Timisoara
U18 ára stelpurnar okkar unnu flottan sigur á Sviss í dag
Íslenska liðið byrjaði leikinn ágætlega en var þó greinilegt að tapið í gær sat ennþá í stelpunum. Þjálfararnir lögðu upp með að fá boltann sem mest inn í teig á stóru leikmenn liðsins og grimmt á körfuna. Það herbragð heppnaðist vel og að loknum 1. leikhluta höfðu íslensku stelpurnar yfirhöndina, staðan 13-7.

í 2. leikhluta hafði Ísland áfram frumkvæðið, tölurnar 22-9 og 28-15 sáust á stigatöflunni. Allir leikmenn liðsins fengu að spreyta sig í fyrri hálfleiknum og Ísland með yfirhöndina í leiknum. Þegar flautað var til háflleiks var staðan 28-19.

Minnugar þess hvernig 3. leikhluti fór forgörðum kvöldinu áður ætluðu íslensku stelpurnar að koma ákveðnar til leiks í síðari hálfleik. Þrátt fyrir það tókst svissneska liðinu að koma sér betur inn í leikinn og náði að minnka muninn niður í 6 stig, 41-35, fyir lokaleikhlutann.

Í 4. leikhluta náðu svissnesku stelpurnar forystu 41-43 og fór þá verulega um íslenska hópinn. Þá kom íslenska hjartað í ljós hjá stelpunum okkar og með mikilli baráttu og útsjónasemi lönduðu þær 12 stiga sigri, 58-46. Kærkominn fyrsti sigur liðsins á Evrópumótinu í höfn.

Sigurinn í kvöld var sigur liðsheildarinnar. Eftir tvö svekkjandi töp má segja að sjálfstraustið hafi beðið hnekki og mikilvægt fyrir framhaldið að sigra þennan leik. Margir leikmenn liðsins stigu upp í þessum leik, ekki síst undir lokin þegar mest reyndi á.

Stigaskor:
Sara Rún 19 stig (11 fráköst, 2 stoðsendingar og 3 stolna bolta)
Guðlaug Björt 14 stig (4 stoðsendingar, 8 fiskaðar villur)
Elsa Rún 12 stig (7 fráköst)
Sandra Lind 8 stig (10 fráköst, 2 stoðsendingar)
Sólrún S með 3 stig
Þóra Kristín 2 stig

Maður leiksins að þessu sinni var Sara Rún og fékk hún að launum fána svissneska körfuknattleikssambandsins.

Leikjaplanið er þétt hér í Timisoara og spila stelpurnar á morgun á móti Dönum. Þær hafa eins og íslenska liðið einungis sigrað einn leik á mótinu. Leikurinn hefst kl. 12:45 að íslenskum tíma og hvetjum við ykkur lesendur góðir til þess að fylgjast með leiknum á Livestattinu.
Mótayfirlit
Mótayfirlit allra flokka
Sólveig Pálsdóttir blæs í flautu sína og Stefán Friðleisson leikmaður UÍA grípur um andlitið.
DómarahorniðLeiðararTölfræðiSaganViðtalið