© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
23.6.2014 | 20:26 | Kristinn | Yngri landslið
U15 Köben: Úrslit stúlkna liðsins


U15 ára liðin eru komin heim frá Kaupmannahöfn eftir lærdómsríkt mót þar sem leikmenn voru að spila sínu fyrstu landsleiki fyrir Íslands hönd.

Eftirfarandi samantekt er frá U15 ára liði stúlkna sem þjálfari þeirra Margrét Sturlaugsdóttir tók saman.

Ísland-Danmörk
Fyrsti leikur liðsins og í upphafi misstu íslensku stelpurnar þær dönsku fram úr sér í 3. leikhluta og náðu sér ekki á strik og skoruðu einungis 6 stig í 4 leikhluta.

Ísland-Svíþjóð
Næsti leikur var á móti sterku liði Svíþjóðar. Stelpurnar sýndu fínan leik en voru undir 6 stigum í hálfleik. Héldu í við Svía í 3 leikhluta og spiluðu hörku vörn á besta leikmann Svía, Helenu Heagerstrand, og héldu henni vel niðri en Þóranna Kika sá um að yfirdekka Helenu sem sá ekki til sólar. Svíar þurftu að hætta að pressa enda stóðu bakkarar Íslands vel í þeim og sprengdu pressuna þeirra og við hefðum sennilega unnið hefðu þær ekki hætt að pressa. Svíar unnu 3. leikhluta með 3 stigum en þegar í fjórða leikhluta var komið þá brást úthaldið hjá okkur og Svíar nýttu sér það og unnu auðveldlega.

Ísland-Finnland
Þriðji leikur Íslenska U15 stúlknalandsliðsins var klárlega lélegasti leikur liðsins en íslensku stúlkurnar voru þreyttar eftir fyrstu tvo leikina og pressan fullan völl hjá Finnum allan leikinn þreytti þær verulega og áttu Finnar í engum vandræðum með íslensku stúlkurnar og úr varð 21 stigs öruggur sigur Finna.

Ísland-Finnland
Fjórði leikurinn var einnig á móti Finnum en þetta var betra lið Finna tæknilega séð og bakkara tríó þeirra ótrúlega flott. Katla Rún, Ásdís Karen og Jónína Þórdís voru duglegar að halda aftur af þeim og stóð Íslenska liðið sig mun betur en í fyrri leiknum. Í hálfleik voru þær 19 stigum undir eftir súper leik hjá tríóinu hjá Finnum sem voru nánast óstöðvandi. Nú sýndu íslensku stúlkurnar hvernig á að koma til baka og unnu bæði þriðja og fjórða leikhluta en því miður höfðu þær misst þær of langt á undan sér til að merja út sigur en 9 stiga tap varð úr en við þjálfararnir mjög stolt af liðinu í þessum leik og frábært að sjá karakterinn sem kom fram í liðinu.

Ísland-England
Fimmti og síðasti leikurinn var á móti Englandi en nú var heiðurinn að veði og urðum við að vinna til að gera það ekki að vara að tapa. Stelpurnar voru sammála að það væri ekki hægt að fara heim með ekkert nema tap í fyrstu landsliðferð. Íslenska liðið átti ekki góðan leik en allir lögðu sig fram um að vinna og var ekkert annað í boði. Stúlkurnar náðu aldrei almennilega að hrista þær ensku af sér en voru heldur aldrei undir og klárlega liðsheildin sem skóp sigurinn þó að Hera Sólveig eigi klárlega skilið að fá titilinn leikmaður leiksins enda setti hún skrautlegar körfur niður og fékk þónokkur víti um leið sem hún setti svo glimrandi niður með. Frábær sigur og stúlkurnar fögnuðu eins og þeim einum var lagið….

Úrslit: (hálfleikstölur í sviga)
Ísland Danmörk · (24 – 32) · 47 – 64
Ísland Svíþjóð · (37 – 43) · 57 – 71
Ísland Finnland (White) · (22 – 30) · 50 - 71
Ísland Finnland (Blue) · (30 – 49) · 74 – 83
Ísland England · (28 – 24) · 50 – 57
Mótayfirlit
Mótayfirlit allra flokka
Ágúst Herbert Guðmundsson, þáverandi þjálfari Þórs og Ingi Þór Steinþórsson, þjálfari Snæfells ásamt Chuck Daly í Valencia árið 2000. 
Þeir félagar voru á þjálfaranámskeiði þar sem Daly, Ettore Mesina og tveir landsliðsþjálfarar Spánar héldu frábært námskeið. Myndin var tekin eftir einn fyrirlesturinn.
 
Chuck Daly lést 9. maí 2009, eftir baráttu við veikindi. Hann gerði meðal annars Detroit Pistons að meisturum tvö ár í röð og vann gullið mðe Draumaliðinu á Ólymíuleikunum í Barcelona 1992.
 
DómarahorniðLeiðararTölfræðiSaganViðtalið