Íslensku strákarnir í undanúrslit

Hollendingarnir byruðu leikinn sterkt á meðan Íslensku strákarnir voru ragir á báðum endum vallarins. Hollendingar komust í 19-10 en Hákon sem misnotaði 8 vítaskot í leiknum skoraði fjögur stig og þar á meðal um leið og leiktíminn rann út í fyrsta leikhluta. Staðan eftir fyrsta fjórðung 19-14 Hollendingum í vil.

Í öðrum leikhluta small maður á mann vörn strákanna saman og með framliggjandi pressu vannst annar leikhluti 9-19 og staðan í hálfleik 28-33. Sigmar Jóhann var fljótur að sækja sér í villur og var með 4 villur í hálfleik.

Í þriðja leikhluta héldu strákarnir áfram grimmum varnarleik sem þvingaði Hollendingana útúr pick og ról leik sínum. Hollendingar spiluðu 3-2 svæðisvörn til að halda aftur af gegnumbrotum strákanna en það gekk ekki sem skildi fyrir þá þar sem varnarleikur íslenska liðsins var með ágætum, leikhlutinn vannst 8-18 og staðan eftir þrjá leikhluta 36-51. Stefán var í leikmannahópi aftur og átti hann innkomu leiksins í síðari þegar hann brá sér í gervi "Casper The Ghost" og náðu þjálfarar liðsins rétt að toga Egil sem var næstur bekknum útaf áður en nokkur í húsinu varð var við að Íslendingar voru með gríðarlega sterka 2-2-2 pressu :)

Í fjórða leikhluta náðu Hollendingarnir áhlaupi og minnkuðu muninn niður í 9 stig en Hákon sem skoraði 28 stig endaði áhlaupið og Ísland sigraði 49-63.

Stigaskor islands gegn Holland: Hákon Hjálmarsson 28, Helgi Guðjónsson 10, Stefán Ljubicic 9, Egill Októsson 5, Gabríel Möller 4, Sigmar Bjarnason 2, Þorgeir Þorsteinsson 2, Þorbjörn Arnmundsson 2, Nökkvi Nökkvason 2, Davíð Magnússon 1, Birkir Björnsson 0, Guðjón Sigurðarson 0.