© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
20.6.2014 | 23:48 | Kristinn | Yngri landslið
U15: Seinni leikir dagins


U15 ára liðin okkar léku tvo leiki í dag á Kaupmannahafnar mótinu. Stelpurnar töpuðu seinni leik sínum í dag gegn Svíþjóð 57:71 þar sem í stöðunni 30:30 fór að halla undan fæti og þær lentu 20 stigum undir. Eftir að hafa minnkað muninn í um 10 stig gekk illa að skora í lokaleikhlutanum og 14 stiga tap staðreynd.

Strákarnir byrja á tveimur sigrum á mótinu og voru með stórsigur á Finnum í seinni leik sínum í dag. Ingi Þór þjálfari þeirra setti saman samantekt frá leikjunum tveim, en sá fyrri var gegn Værlöse, frá Danmörku:

Ísland-Værlöse
Byrjunarlið Íslands: Stefán, Hákon, Sigmar, Egill og Þorgeir.

Íslensku strákarnir náðu strax forystu 7-2 og leiddu eftir fyrsta leikhluta 19-10. Heimamenn minnkuðu muninn í 22-18. Íslensku strákarnir héldu gestgjöfunum alltaf í ca 6-8 stiga forystu. Staðan í hálfleik 33-27 Ísland í vil.
Í upphafi þriðja leikhluta töpuðu strákarnir of mörgum boltum sem þeir dönsku nýttu sér vel og minnkuðu þeir munin tvívegis í eitt stig 40-39 og 43-42. Íslensku strákarnir lokuðu þriðja leikhlutanum með 8-0 rispu og leiddu 51-42 fyrir loka fjórðunginn. Íslensku strákarnir sem allir lögðu vel í púkkið voru komnir 14 stigum yfir þegar að fimm mínútur voru eftir af leiknum en aftur minnkuðu þeir dönsku forystu okkar manna í fimm stig 61-56. Síðustu mínúturnar hélt maður á mann vörnin og strákarnir sigu framúr og lokuðu leiknum með 18 stiga sigri 74-56.
Stigaskor Íslands gegn Værløse: Nökkvi 14 stig, Hákon 12, Davíð 9, Sigmar 9, Helgi 9, Þorgeir 6, Þorbjörn 4, Gabríel 4, Birkir 3, Egill 2, Stefán 0.

Finnland bláir
Síðari leikur dagsins var gegn Finnland bláum en Finnar tefla fram tveimur liðum á mótinu. Fyrr um daginn höfðu Finnar tapað fyrir Hollendingum með tveimur stigum í jöfnum leik. Stefán fékk vökva inná hnéið í fyrri leiknum og spilaði ekki gegn Finnum.

Byrjunarlið Íslands: Helgi, Hákon, Sigmar, Egill og Þorgeir.
Finnar byrjuðu leikinn með þrist og sinni alkunnu hápressu allan völl sem íslensku strákarnir leystu mjög vel með að ráðast á þá. Íslensku strákarnir komust yfir í fyrsta skipti 5-6 og 7-8, þá kemur 0-9 kafli hjá strákunum þar sem Hákon fór fyrir jöfnum og vinnusömum hóp og staðan eftir fyrsta leikhluta 12-23. Allir leikmenn voru vel tengdir og tilbúnir að leggja allt í sölurnar fyrir sigri. Jafnt og þétt bættist við forystu íslensku strákanna og í hálfleik leiddu þeir 21-35.
Liðið var staðráðið að bæta við góðan fyrri hálfleik og mættu einbeittir til leiks, varnarleikurinn var til fyrirmyndar og baráttan sömuleiðis. Þegar að þriðja leikhluta lauk leiddu íslensku strákarnir 28-49. Í fjórða héldu strákarnir að bæta við og fundu blóðbragðið sem þarf til að halda áfram að ganga frá liðum. Lokatölur í stórsigri 34-68.

Stigaskor íslenska liðsins gegn Finnum:
Hákon 32, Helgi 13, Þorgeir 2, Nökkvi 6, Gabríel 8, Þorbjörn 2, Sigmar 6, Egill 2, Guðjón 2, Birkir 0, Davíð 0 og Stefán lék ekki í þessum leik.

Mögnuð frammistaða strákanna í dag og er síðasti leikur í riðlinum á morgun gegn Hollendingum sem töpuðu með átta stiga mun fyrir Værløse. Það engu að síður þýðir að strákarnir þurfa að sækja sigur gegn Hollendingum til að koma sér í undanúrslit á mótinu. Leikurinn gegn Hollandi er klukkan 10:15 að staðartíma eða 08:15 að íslenskum tíma.
Mótayfirlit
Mótayfirlit allra flokka
Kjartan Kjartansson, leikmaður Stjörnunnar, bíður þess að fá fréttir úr viðureign Þórs og Snæfells á lokadegi Iceland Express-deildar karla 2008 en leiknum seinkaði um nokkrar mínútur. Með sigri Snæfells hefðu Stjörnumenn farið í úrslitakeppnina í stað Þórs. Þórsarar unnu Snæfellinga og mættu Keflvíkingum í úrslitakeppninni.
DómarahorniðLeiðararTölfræðiSaganViðtalið