U15 ára lið Íslands hefja leik í dag á CPH-Invitational mótinu í Kaupmannahöfn.

Strákarnir eru í A-riðli og leika gegn U15 ára liðum Hollands, Værlöse frá Danmörku og öðru af tveim finnskum landsliðum þeirra (Finland Blue).

Stelpurnar eru í G-riðli og leika gegn Danmörku, Svíþjóð bláu og Finnlandi bláu, en Finnar og Svíar tefla fram tveim liðum.

Leikur strákanna var að hefjast gegn Værlöse og stelpurnar byrja kl. 11.45 að íslenskum tíma gegn Danmörku. Við færum fréttir af leikjunum um leið og þær berast.

Bæði lið leika aftur í kvöld, þá strákar gegn Finnum og stelpurnar gegn Svíþjóð.