KKÍ og Landflutningar skrifuðu nýlega undir samstarfssamning til næstu tveggja ára. Landflutningar verða einn af samstarfsaðilum KKÍ með áherslu á að efla barna- og unglingastarf körfuboltans hringinn í kringum í landið og auka útbreiðslu íþróttarinnar enn frekar.

Íslandsmót yngri flokka KKÍ mun bera nafn Landflutninga.

Hannes S. Jónsson formaður KKÍ sagði við undirritun samningsins: „Það er íþróttahreyfingunni mikilvægt að eiga öfluga bakhjarla og við hjá Körfuknattleikssambandinu erum afar ánægð og stolt að hafa nú Landflutninga með okkur í körfuboltafjölskyldunni. Landflutningar eru öflugt fyrirtæki með starfsstöðvar víðs vegar um landið.“

Gísli Þór Arnarson framkvæmdastjóri innanlandssviðs Samskipa tekur í sama streng og segir „Það er tilhlökkunarefni að taka þátt í uppbyggingarstarfi körfuboltans vítt og breitt um landið og vonumst við til að þátttakendum fjölgi og áhugi almennings á íþróttinni blómstri. Við munum leggja okkar af mörkum til að nálgast það markmið.“

Meðfylgjandi er mynd af Hannesi S. Jónssyni formanni KKÍ, Einari Karli Birgissyni stjórnarmanni KKÍ, Gísla Þór Arnarsyni framkvæmdastjóra og Inga Þór Hermannssyni forstöðumanni Landflutninga við undirritun samningsins.