Sylvía Rún Hálfdánardóttir var stigahæst í leiknum með 17 stig og 16 fráköst

Stelpurnar í U16 eru Norðurlandameistarar eftir frækinn sigur á Svíum í dag. Stelpurnar eru búnar að vinna alla sína leiki hingað en eiga eftir Dani á morgun. Úrslit þess leiks hafa engin áhrif á lokastöðuna og stelpurnar því sigurvegarar.

Stigahæst í leiknum, sem var einstefna frá upphafi, var Sylvía Rún Hálfdanardóttir með 17 stig og 16 fráköst. Næst henni var Inga Rún Svansdóttir með 9 stig.

Er þetta fyrsti Norðurlandameistaratitill Íslands í kvennaflokki síðan árið 2004 þegar U16 vann en meðal leikmanna í því liði voru Helena Sverrisdóttir og María Ben Erlingsdóttir.

Tölfræði leiksins

Stelpurnar að syngja þjóðsönginn fyrir upphaf leiksins - myndband

Fögnuður stelpnanna í leikslok - myndband

Fleiri myndir og myndbönd eru á Facebook-síðu KKÍ