Annað árið í röð eru Eistar með á Norðurlandamótinu og að þessu sinni var fyrsti leikdagurinn eistneski dagurinn.

Þrír sigrar í fjórum leikjum og spilamennskan á köflum til fyrirmyndar.

Fyrsti leikur dagsins var viðureign 18 ára lið stúlkna. Eftir erfiða byrjun náðu stelpurnar að jafna leikinn 27-27 en Eistar leiddu í hálfleik. Í seinni hálfleik vildu engin skot fara ofaní og á meðan gengu Eistarnir á lagið og keyrðu upp muninn. Lokatölur 41-77.

Stigahæst hjá Íslandi var Sara Hinriksdóttir með 18 stig.

U16 og U18 drengir léku á sama tíma og uppskáru bæði lið sigur. U18 ára strákarnir unnu mun öruggari sigur en þeir leiddu mest allan leikinn og unnu að lokum stóran sigur 89-61 þar sem Jón Axel Guðmundsson var stigahæstur með 31 stig.

U16 ára strákarnir voru á sama tíma í vandræðu með Eistana framan af og byggðu Eistarnir upp gott forskot. En áherslubreytingar í vörninni í seinni hálfleik skiluðu strákunum sigur í spennuþrungnum leik þar sem Brynjar Ævarsson skoraði sigurkörfuna í lokin – sjá myndband á Karfan.is.

Lokatölur leiksins 75-73 þar sem Þórir Þorbjarnarson var stigahæstur með 21 stig.

Lokaleikur dagsins var viðureign U16 ára stúlkna. Það var aðeins eitt lið inná vellinum frá upphafi og unnu stelpurnar sanngjarnan og sannfærandi sigur. Lokatölur 61-34 og Sylvía Rún Hálfdanardóttir stigahæst með 10 stig.

Á morgun er norskur dagur og hefst dagskráin kl. 09.00 að íslenskum tíma þegar U16 drengir hefja leik.

Áfram Ísland


Jón Axel Guðmundsson var stigahæstur í dag gegn Eistum