Hinar árlegu Körfuboltabúðir KFÍ hefjast þriðjudaginn 3. júní kl. 18:00 og þeim lýkur sunnudaginn 8. júní kl. 15:00 (hvítasunnudag).

Búðirnar eru frábær skóli fyrir áhugasama körfuboltakrakka sem fæddir eru 2003 og fyrr. Yfirþjálfari búðanna verður Finnur Freyr Stefánsson, þjálfari KR. Með honum verða reyndir þjálfarar á borð við Arnar Guðjónsson, Borce Ilievski og Eric Olson. Fleiri góð nöfn eru væntanleg á næstu vikum. Þjálfaranámskeiðin verða sem fyrr á sínum stað í búðunum.

Þátttökugjaldið er aðeins 40.000 kr. fyrir allan búðapakkann: Æfingar,
gisting í 5 nætur og fullt fæði.

Upplýsingar um verð á einstökum þáttum búðanna er að finna á www.kfi.is. Heimavist búðanna er einungis ætluð iðkendum og þjálfurum/fararstjórum þeirra.

Tekið er við skráningum og fyrirspurnum á netfanginu kfibudir@gmail.com og einnig er hægt að skrá iðkendur rafrænt á www.kfi.is/skraning.

Gistirými á vist er takmarkað og fjöldinn í búðirnar sömuleiðis og því er snjallt að skrá iðkendur sem allra fyrst.

Skráningarfrestur er til 30. apríl.