Ísland lagði Rúmena að velli 77-71 í Laugardalshöll í skemmtilegum leik.

Ísland var með frumkvæðið allan leikinn en gestirnir náðu að jafna í lok fyrri hálfleiks og í byrjun fjórða leikhluta. En íslensku strákarnir stóðust pressuna og svöruðu jafnóðum. Lokatölur leiksins 77-71 og Ísland með sinn annan sigur á Rúmenum í undankeppninni.

Jakob Sigurðarson var stigahæstur hjá Íslandi með 23 stig og næstur honum var Haukur Helgi Pálsson með 14 stig, 5 fráköst og 5 stoðsendingar. Jón Arnór setti 11 stig og nokkur mikilvæg stig á endasprettinum.

Var þetta síðasti leikur Íslands í undankeppninni og lendir Ísland í öðru sæti á eftir Búlgaríu og Rúmenar verma botnsætið.

Lokastaðan:
Búlgaría 3/1
Ísland 2/2
Rúmenía 1/3

Tölfræði leiksins

Búlgaría mætir Sviss í undanúrslitum og fara leikirnir fram í næstu viku.