Ísland vann góðan sigur á Dönum fyrr í kvöld í æfingarleik í Ásgarði.

Strákarnir voru yfir allan tímann og unnu góðan og jafnframt sannfærandi sigur. Lokatölur leiksins 83-59.

Sóknarleikur Íslands var mjög góður í byrjun leiksins og var það stóran hluta af leiknum. Boltinn gekk hratt milli manna og fengu þeir í kjölfarið mikið af opnum skotum.

Ísland náði góðu forskoti sem Danir náðu að minnka í lok fyrri hálfleiks en Ísland leiddi 35-32 í hálfleik. Í þeim seinni stungu þeir endanlega af og sigurinn aldrei í hættu.

Haukur Helgi Pálsson var stigahæstur með 23 stig og sjö fráköst. Fyrirliðinn Hlynur Bæringsson setti 19 stig og tók 10 fráköst.

Næsti leikur liðanna er á morgun kl. 19.15 í Toyota-höllinni í Keflavík.

Tölfræði leiksins

Myndir úr leiknum má sjá á Facebook síðu KKÍ