KKÍ mun standa fyrir æfingabúðum fyrir úrvalshópa KKÍ eins og gert hefur verið síðastliðin sumur með mjög góðum árangri. Úrvalshóparnir eru undanfari yngri landsliða Íslands þar sem unglingalandsliðsþjálfarar ásamt gestaþjálfurum stjórna æfingum og fara yfir helstu tækniatriði.

Í sumar stendur KKÍ fyrir æfingabúðum fyrir drengi og stúlkur sem fædd eru 2000, 2001 og 2002.

Æfingabúðirnar standa yfir tvær helgar og verður sú fyrri haldin núna 1.-2. júní en þá verða stúlkur í DB Schenker-höllinni að Ásvöllum Hafnarfirði en drengir í DHL-höllinni Frostaskjóli.

Dagskráin er eftirfarandi fyrir báða dagana, báðar helgarnar:
Krakkar f. 2002 · kl. 09.00 – 11.00
Krakkar f. 2001 · kl. 11.30 – 13.30
Krakkar f .2000 · kl. 14.30 – 16.30

Seinni helgin verður 24.-25. ágúst. Þá verða stúlkur i DB Schenker-höllinni að Ásvöllum Hafnarfirði og drengir í Dalhúsum, Grafarvogi, allir á sömu tímum.

Verð á hvern þátttakanda fyrir úrvalsbúðirnar er 6.000 kr. samtals fyrir báðar helgarnar og greiðist á staðnum hjá fulltrúa KKÍ. Hægt verður að greiða með korti.