KKÍ mun standa fyrir þjálfaranámskeiði dagana 7.-10. ágúst nk. þar sem þekktur bandarískur háskólaþjálfari, Fran Fraschilla, verður fyrirlesari. Fraschilla hefur meðal annars þjálfað St. Johns háskólann og New Mexico háskólann.

Nákvæm dagskrá námskeiðsins verður kynnt síðar, en ljóst er að Fraschilla mun stjórna einni æfingu hjá landsliðinu og verður það liður í námskeiðinu. Fraschilla er mjög virtur þjálfari, sem skilað hefur liðum sínum á sigurbraut og er frábær ræðumaður. Það ætti því enginn körfuknattleiksþjálfari að láta sig vanta á þetta námskeið.

Skráning er með tölvupósti hjá KKÍ eða hjá Friðrik Inga Rúnarssyni landsliðþjálfara í síma 891 6220.

Upplýsingar um feril Fran Fraschilla.