Lokaleikur U18-kvenna á NM2013 var gegn Dönum. Liðið var búið að vinna 2 og tala tveim leikjum og því ljóst að endanleg úrslit mótsins myndi að ráðast af leikjum dagins hér í Solna.

Stelpurnar byrjuðu af krafti og fyrir utan stöðuna 0:2 leiddu stelpunar allan leikinn og náðu mest 18 stiga forskoti í leiknum. Ísland vann fyrsta leikhluta 20:14 og þann annan 17:7. Staðan í leikhléi því 37:21 okkur í vil.

Danir komu til baka eftir hlé og unnu þann leikhluta með 10 stigum en okkar stelpur svöruðu því í lokaleikhlutanum og unnu hann 15:7 og sigurinn í höfn, 60:46.

Stigahæstar í liði Íslands:
Guðlaug Björg Júlíusdóttir 14 stig, Marín Laufey Davíðsdóttir 13 stig og 14 fráköst, Lovísa Björt Henningsdóttir 12 stig, 8 fráköst og 5 stolnir boltar, Sara Rún Hinriksdóttir 9 stig og 6 stoðsendingar.



Svíar urðu norðurlandameistarar 2013 í U18-kvenna og Ísland hafnaði í öðru sæti með 3 sigra og 2 töp.

Stelpurnar fögnuðu vel og innilega í leikslok og stóðu sig frábærlega á mótinu eins og sjá má hér að neðan í smá myndbroti

Myndbrot af verðlaunaafhendingunni

Myndbrot af stelpunum fagna eftir verðlaunaafhendingu

Tölfræði leiksins