Nú hafa öll íslensku liðin klárað leiki dagsins sem allir voru gegn nýliðum Eistlands. Niðurstaðan eru þrír sigrar og eitt tap. Öll íslensku liðin sýndu flotta takta og léku vel saman sem ein heild. Gaman verður að sjá framhaldið hjá liðunum en framundan eru ennþá fjórir hörku leikir, þar sem Eistland bættist við hina hefðbundu dagskrá mótsins undanfarinna ára.

Fyrirkomulagið:
Eftir að öll lið hafa leikið gegn hvort öðru verður farið í töfluna og það lið sem situr í efsta sæti verður krýnt norðurlandameistari í sínum flokki. Undanfarin ár hefur verið leikið um 1. sætið og 3. sætið. Nú leika öll lið fimm leiki sem telja til sigurs.

Noregur · Ísland
Á morgun verður „norskur dagur“, öll fjögur liðin okkar leika gegn Noregi og þannig verður framhaldið, allir leika gegn Finnum á föstudag, Svíum á laugardag og Dönum á sunnudaginn.

Morgundagurinn:
9. maí · Fimmtudagur · (íslenskur tími)
U16 stúlkna · kl. 12:30
U16 drengja · kl. 14:30
U18 kvenna · kl. 16:30
U18 karla · kl. 18:30

KKÍ og Karfan.is munu flytja fréttir af öllum leikjum morgundagsins á báðum vefsíðum og á samfélagsmiðlum KKÍ.

Lifandi tölfræði er að finna frá öllum leikjum mótsins á KKI.is efst í hægra horni á síðunni.