Íslensku stelpurnar byrjuðu vel á Promotion Cup í Andorra en 26 sigur vannst í fyrsta leiknum gegn Möltu, 75-49. Anna María Sveinsdóttir var stigahaest íslensku stelpnanna með 17 stig auk þess sem hún tók 15 fráköst og gaf 5 stoðsendingar á aðeins 22 mínútum. Íslenska liðið varð fyrir áfalli þegar 5 mínútur voru eftir af 3ja leikhluta er Erla Þorsteinsdóttir meiddist illa á ökkla. Leikurinn var 50. landsleikur Gudbjargar Norðfjörð.

Íslenska lìðið byrjaði leikinn ekki vel og lenti undir 11-15 í fyrsta leikhluta en stelpurnar tóku sig þá á skoruðu sex síðustu stig fyrsta leikhluta. Þær unnu síðan annan leikhluta 23-2 og lögðu grunninn að öruggum sigri. Íslensku stelpurnar fengu harðar móttökur í síðasta leikhlutanum sem Malta vann 22-16 og minnkaði muninn í 26 stig í lokin. Grófur leikur Möltustelpna og mörg mistök kostuðu 17 tapaða bolta í leikhlutanum en sigurinn var samt löngu öruggur og næst mæta stelpurnar Albaníu á morgun klukkan 16:30. Íslensku stelpurnar vörðu 18 skot Möltu í leiknum og Signý Hermannsdóttir varði þau flest eða 6. Þá unnu íslensku stelpurnar fraköstin 55-41.

Stig Íslands í leiknum: Anna María Sveinsdóttir 17 (15 fráköst, 5 stoðsendingar), Hildur Sigurðardóttir 10 (6 fráköst, 5 stoðsendingar), Signý Hermannsdóttir 7 (7 fráköst, 6 varin skot), Kristín Blöndal 7, Kristín Björk Jónsdóttir 7, Erla Þorsteinsdóttir 6 (5 varin skot á 11 mínútum), Guðbjörg Norðfjörð 5, Helga Þorvaldsdóttir 4 (5 stoðsendingar), Svava Ósk Stefánsdóttir 4, Birna Valgarðsdóttir 4, Lovísa Guðmundsdóttir 4. Helga Jónasdóttir var sú eina af íslensku stelpunum sem ekki komst á blað.