Stjórn Körfuknattleikssambands Íslands hefur boðað til þings sambandsins 15.og 16. mars næstkomandi og hafa sambandsaðilar fengið bréf þess efnis. Þingið verður haldið í Íþróttamiðstöðinni í Laugardal.

Málefni, sem sambandsaðilar óska að tekin verði fyrir á þinginu, skulu tilkynnt stjórn KKÍ minnst 21 degi fyrir þing eða í síðasta lagi fimmtudaginn 21.febrúar.

Þeir aðilar sem ætla að bjóða sig fram til stjórnar og eða varastjórnar þurfa að tilkynna um framboð með minnst 10 daga fyrirvara.

Lög KKÍ og allar reglugerðir sambandsins má nálgast hér á heimasíðu KKÍ.