Á morgun þann 31. janúar lokar félagaskiptaglugginn á þessu tímabili fyrir alla leikmenn hvort sem um ræðir íslenska eða erlenda leikmenn og hvort sem leikmenn eru yngri eða eldri en 20 ára.

Félagskipti þurfa því að berast skrifstofu KKÍ og vera frágengin fyrir miðnætti annað kvöld. Eingöngu þau félagaskipti sem bíða afgreiðslu UTL-gagna eða leikheimildar erlendis frá (LOC) geta beðið fram yfir lok félagaskiptagluggans, að þvi undangengu að öll önnur gögn séu komin til KKÍ og uppgjör á stöðu einnig.

Úr reglugerð KKÍ um félagaskipti:

3.Tímabil og gildistaka félagaskipta

6. gr. Tímabil félagsskipta
Félagaskipti í meistaraflokki karla og kvenna ásamt unglingaflokki karla og kvenna eru heimil frá og með 1. júní til og með 15. nóvember en óheimil frá og með 16. nóvember til og með 31. desember. Þau eru svo heimil frá og með 1. janúar til og með 31. janúar en óheimil frá 1. febrúar til og með 31. maí.

Félagaskipti eru frjáls í öllum öðrum flokkum KKÍ, nema frá og með 1. febrúar til og með 31. maí ár hvert en á þeim tíma eru öll félagaskipti óheimil.