Þá er kosningunni lokið í Stjörnuleik kvenna í ár en aðdáendur gátu kosið á KKI.is líkt og undanfarin ár. Leikurinn fer fram í Toyotahöllinni í Keflavík, miðvikudaginn 30. janúar.

Það var Sara Rún Hinriksdóttir, Keflavík, sem hlut flest atkvæði í ár eða 243 en hún mun leika í liði „Landsbyggðarinnar“. Britney Jones, Fjölni, var svo með flest atkvæði í liði „Höfuðborgarsvæðisins“.

Sigurður Ingimundarsson mun þjálfa lið Landsbyggðarinnar þar sem Keflavík var á toppnum um áramótin og Finnur Stefánsson, KR, var efsti þjálfari höfuðborgarsvæðiðsins. Þeir félagar munu svo velja sjö leikmenn til viðbótar þeim fimm sem byrja leikinn.

Eftirfarandi leikmenn hlutu flest atkvæði:

Lið höfuðborgarsvæðisins: (fjöldi atkvæða fyrir framan)
207 · Britney Jones · Fjölnir
151 · Sigrún Sjöfn Ámundadóttir · KR
149 · Siarre Evans · Haukar
141 · Jaleesa Butler · Valur
131 · Margrét Rósa Hálfdanardóttir · Haukar

Lið landsbyggðarinnar:
243 · Sara Rún Hinriksdóttir · Keflavík
238 · Lele Hardy · Njarðvík
202 · Pálína Gunnlaugsdóttir · Keflavík
171 · Hildur Björg Kjartansdóttir · Snæfell
166 · Hildur Sigurðardóttir · Snæfell