Dregið verður í riðla á laugardaginn kemur fyrir fyrstu umferð undankeppni EuroBasket 2015 sem fram fer í Úkraínu. Um er að ræða keppni 13 þjóða um eitt laust sæti á EM eftir rúm tvö ár.

Ísland lék í haust í undankeppninni fyrir EuroBasket 2013 sem fram fer næsta haust. Þær þjóðir sem keppa nú eru þær þjóðir sem ekki komust áfram úr henni og nú liggur fyrir hvaða þjóðir þetta eru sem verða í pottinum. Það er eitt laust sæti í boði fyrir Eurobasket í Úkraínu 2015.

Eftir EuroBasket 2013 í Slóveníu fer aftur af stað hefðbundin undankeppni, sem mun kallast önnur umferð, og vera eins og sú sem var í gangi í ár, og þar verða þau lið sem ekki tryggja sig áfram í Slóveníu á næsta mót auk liðanna frá þessari fyrstu umferð.

Eftirtaldar þjóðir verða í skálinni á laugardaginn en dregin verða ein þjóð úr hverjum styrkleikfaflokki í sama riðill
A: Eistland, Búlgaría, Austurrríki og Ungverjaland
B: Sviss, Holland, Hvíta-Rússland og Rúmenía
C: Ísland, Slóvakía, Portúgal og Lúxemborg
D: Danmörk

Það verða þrír riðlar með þremur þjóðum í og einn með fjórum liðum. Danmörk er eitt í neðsta styrkleikaflokki og lendir í fjögurra liða riðlinum sem væntanlega verður fyrsti riðillinn sem dregin verður. Leikið verður svo heima og að heiman í riðlunum næsta sumar 1.-16. ágúst. Efstu lið í hverjum riðli (4) fara í undanúrslit þar sem leikið er einnig heima og að heiman.

Einnig verður dregið í keppnir yngri flokka í sumar sem eru árleg. Hægt verður að fylgjast með dráttinum í beinni, bæði beinni útsendingu og grafískri uppfærslu. Hannes S. Jónsson, formaður KKÍ, hefur verið boðaður á dráttinn og mun meðal annars aðstoða við að draga í riðla í einhverri keppninni.

Lesa nánar hérna.