Draumaliðsleikur Domino's deilda karla og kvenna var kynntur á blaðamannafundinum í dag. Nú geta aðdáendur íslensks körfubolta tekið þátt í skemmtilegum „Fantasy" leik þar sem hægt er að velja leikmenn úr Domino's deildum karla og kvenna í lið og svo safnað stigum eftir frammistöðu þeirra í vetur.

Leikmenn fá stig eftir tölfræðinni sem tekin er á hverjum leik beint og hún yfirfærist í stig og í draumaliðsleikinn.

Allar nánari upplýsingar er að finna á dominosdeildin.is þar sem hægt er að skrá sig til leiks og velja lið, lesa leiðbeiningar og skoða leikmenn.

Vegleg verðlaun í boði í báðum deildum í lok tímabilsins fyrir stigahæstu „þjálfarana“

Fyrir fundinn í dag var gefið út kynningarhefti fyrir deildirnar þar sem hægt er að lesa um liðsskipan, breytingar á liðunum, leikjaplan og fleira. Heftið er hægt að nálgast á PDF hérna.