Lokaleikur Íslands í undankeppni EM fyrir Slóveníu 2013 fer fram í dag þegar Ísland sækir Eistland heim. Leikurinn hefst kl. 15.00 að íslenskum tíma eða kl. 18.00 að staðartíma.

Allir 12 leikmenn liðsins fóru með þ.m.t. Pavel Ermolinskij sem gat ekki klárað síðasta leik vegna meiðsla. Ákvörðun um þátttöku hans í leiknum verður tekin þegar nær dregur leiknum.

Leikurinn er gríðarlega mikilvægur, ekki síst fyrir Eista sem enn eiga möguleika á að komast í lokakeppni EuroBasket á næsta ári sem fram fer í Slóveníu.

Leikurinn er sýndur á aukarás RÚV og einnig hægt að fylgjast með lifandi tölfræði í gegnum kki.is