Allir handhafar aðgönguskírteina/boðskorta KKÍ þurfa að nálgast miða sína fyrirfram fyrir landsleikina framundan.

Ekki verður hleypt inn á leikdegi gegn framvísun aðgönguskírteina/boðskorta, heldur verður aðeins tekið við fyrirfram prentuðum miðum fyrir viðburðinn.

Handhafar aðgönguskírteina/boðskorta geta sent tölvupóst á kki@kki.is næstkomandi mánudag milli 14.00 og 16.00 og óskað eftir miðum fyrir leik Íslands og Eistlands og þá heimaleiki sem eftir eru. Síðan verður hægt að nálgast miðana í Laugardalshöll frá kl. 18.00 á leikdag.

Handhafar korta sem búa utan höfuðborgarsvæðis:
Þeir handhafar aðgönguskírteina/boðskorta sem búa utan höfuðborgarsvæðisins geta sent tölvupóst skrifstofu KKÍ á sama tíma (Á milli 14:00 og 16:00) til þess að láta taka frá fyrir sig miða á alla þrjá leikina sem síðan verður hægt að nálgast í Laugardalshöll frá kl. 18:00 í Laugardalshöll á undan leik Íslands og Eistlands sem hefst kl. 19.15. Tölvupóstinn skal senda á kki@kki.is.

Í reglugerð um aðgönguskírteini segir meðal annars:
„Þegar um bikarúrslit og landsleiki er að ræða getur KKÍ krafist þess að rétthafar skírteina sæki aðgöngumiða gegn framvísun skírteinis og gilda þá ekki aðgönguskírteinin sjálf. Slíkt fyrirkomulag skal auglýst á heimasíðu KKÍ sem og í tölvupósti til félaga KKÍ.“

Hægt er að nálgast reglugerðina í heild sinni á vef KKÍ - Hægt er að nálgast reglugerðina í heild sinni á vef KKÍ - KKÍ.is