© 2000-2019 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
       
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
18.8.2012 | 18:45 | hsj | Landslið
Íslenskur sigur í Levice
Núna er leik Slóvakíu og Íslands í Levice í Slóvakíu lokið með sigri Íslands 81-75 gegn Slóvakíu, staðan í hálfleik var 44-36 Íslandi í vil.

Pavel Ermolinskij meiddist í nára rétt fyrir leik og tók ekki þátt í leiknum, leikreyndasti leikmaður liðsins Logi Gunnarsson fór ekki með hópnum til Slóvakíu vegna veikinda. Það má því segja að íslenska liðið hafi verið án tveggja lykilleikmanna í þessum leik og því sigurinn enn sætari.

Byrjunarlið Íslands var: Jón Arnór, Hlynur, Ægir, Jakob og Haukur.

Íslenska liðið spilaði ágætlega í fyrri hálfleik en hefði mátt ná fleiri sóknarfráköstum. Slóvakar komu ákveðnir til leiks í seinni hálfleik á meðan íslensku strákarnir hittu lítið sem ekkert og Slóvakar komust fljótlega yfir í þriðja leikhluta. Þegar þriðja hluta var lokið voru Slóvakar komnir með fimm stiga forsytu 59-54.

Íslensku strákarnir jöfnuðu leikinn strax í byrjun fjórða leikhluta og þegar rúmar tvær mínútur voru liðnar af síðasta leikhlutanum skoraði Jakob þriggja stiga körfu og kom okkar drengjum yfir í 59-62. Íslenska liðið hélt forystunni út leikinn en þeir komust mest í 63-75 en lokatölur urðu 75-81.

Flottur sigur strákanna sem hafa nú spilað tvo leiki í undanriðli EuroBasket 2013, unnið einn leik og tapað einum. Næsti leikur strákanna er á þriðjudaginn kl.19:15 þegar Ísrael kemur í heimsókn í Laugardalshöllina.

Stighæstu leikmenn Íslands:
Jón Arnór Stefánsson 28 stig, Haukur Pálsson 16 stig, Jakob Sigurðarson 15 stig, Hlynur Bæringsson 13 stig og 11 fráköst, Helgi Magnússon 7 stig og 11 fráköst og Ægir Þór Steinarsson 2 stig.

Jakob Örn Sigurðarson hafði þetta að segja að leik loknum „Ég er ánægður með hvað við byrjuðum betur strax í upphafi leiks sem vantaði hjá okkur í síðasta leik á móti Serbíu. Mjög mikilvægt þegar verið er að spila á útvielli að fá svona góða byrjun, gott flæði sem eykur sjálfstrautið hjá liðinu. Svo kom reyndar slæmur kafli í þriðja leikhluta eins og í leiknum á móti Serbíu, við hættum samt aldrei okkar leikskipulagi og baráttu og kláruðum leikinn mjög sterkt. Þessi sigur er mjög jákvæður fyrir okkur og sýnir samheldnina í hópnum. Ég hvet alla til að koma í Laugardalshöllina á þriðjudaginn þegar við mætum Ísraelum, við þurfum á stuðningi áhorfenda að halda.“

Ólafur Rafnsson forseti FIBA Europe og ÍSÍ var staddur á leiknum í Levice sem og Helena Sverrisdóttir landsliðskona sem leikur með Good Angels hér í Slóvakíu.
Mótayfirlit
Mótayfirlit allra flokka
Frá Smáþjóðaleikunum á Möltu 1993.  Henning Henningsson og Nökkvi Már Jónsson eru af tölvuleikjakynslóðinni.
DómarahorniðLeiðararTölfræðiSaganViðtalið