Íslenska karlalandsliðið stóð sig vel á móti Serbum í Laugardalshöllinni og þá sérstaklega í seinni hálfleiknum sem íslenska liðið vann með fimm stigum, 49-45.

Strákarnir unnu þriðja leikhlutann 20-19 og fjórða leikhlutann 29-25.

Jón Arnór Stefánsson fór á kostum í seinni hálfleiknum þar sem hann var með 13 stig og sex stoðsendingar og Jakob Örn Sigurðsson fór í gang í fjórða leikhlutanum þar sem hann setti niður 10 stig.

Íslenska liðið nýtti sér líka vel mistök Serbana í seinni hálfleiknum því 16 stiga íslensku strákanna komu eftir tapaða bolta hjá serbneska liðinu. Strákarnir pössuðu boltann mun betur en Serbarnir en gestirnir skoruðu ekkert stig eftir tapaðan bolta hjá Íslandi en liðið tapaði aðeins fjórum boltum í seinni hálfleiknum á meðan Serbarnir töpuðu níu.



Tölfræði fjórða leikhluta

Tölfræði seinni hálfleiks

Tölfræði alls leiksins

Skotkort liðanna í seinni hálfleik