© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
12.8.2012 | 15:11 | U18 karla
Svíar of sterkir að þessu sinni
Úrslitaleikur á morgun gegn Finnum.
Íslensku strákarnir mættu nú fyrr í dag liði Svía á EM í Sarajevo og var búist við hörkuleik milli þessara liða sem varð raunin.

Eftir 3 sigurleiki í röð töpuðu okkar drengir gegn frábæru sænsku liði í dag 92-83 og því hreinn úrslitaleikur framundan á morgun gegn Finnum um sæti í milliriðli efstu liðanna (1-8).
Leikurinn í dag byrjaði ekki vel hjá okkar drengjum og Svíar tóku fljótlega frumkvæðið og voru þeir að hitta fáránlega vel á meðan okkar drengir áttu erfitt með að finna taktinn. Með frábærum endasprett í leikhlutanum jafna okkar menn svo 25-25 og allt stefndi í hörkuleik. Það sáust mörg glæsileg tilþrif hjá báðum liðum í leikhlutanum og hart barist.

Svíar héldu svo uppteknum hætti í öðrum leikhluta og brenndu vart af skoti á meðan hrundi sóknarleikur íslenska liðsins. Vörn okkar pilta var einnig slök á köflum en það verður að hrósa sænska liðinu fyrir ótrúlega hittni sem skilaði þeim 12 stiga forskoti í hálfleik 50-38. Skotnýting Svía var 65% takk fyrir túkall í fyrri hálfleiknum en íslenska liðið átti helling inni bæði í vörn og sókn. Það er reyndar ekki svo slæmt að setja 38 stig í hálfleik gegn Svíum en að fá á sig 50 er ekki ávísun á árangur.

Íslensku strákarnir komu dýrvitlausir inn í 3.leikhluta og börðust grimmilega ásamt því að spila flottan bolta á löngum köflum. Þeir náðu góðu áhlaupi og munurinn fór niður í 6 stig en Svíar sem voru að spila gríðarlega vel komu muninum aftur í 12 stig og þannig lauk 3.leikhluta, 12 stiga munur 70-58. Frekar svekkjandi en munurinn alls ekki óyfirstíganlegur fyrir lokaleikhlutann.

Svíar spiluðu af skynsemi og voru alltaf þessum skrefum á undan. Þrátt fyrir fín tilþrif og mikla baráttu tókst okkar mönnum aldrei að gera þetta virkilega spennandi í lokaleikhlutanum þrátt fyrir aðdáunarverða baráttu. Sænska liðið var bara einfaldlega of gott að þessu sinni. Þegar leiknum lauk þá var munurinn 9 stig 92-83 og fyrsta tap liðsins því staðreynd. Vissulega var varnarleikurinn ekki uppá sitt besta en það var margt jákvætt við leik íslenska liðsins.

Hjá Svíum var Nicholas Spires okkur mjög erfiður en hann gerði 14 stig, reif 17 fráköst og varði 5 skot. Þetta er drengur uppá 209cm og virkilega mikið efni (Á mála hjá Barcelona). Caleb Musie knár bakvörður reyndist okkur einnig gríðarlega erfiður en hann setti 21 stig og var 5 af 6 fyrir utan 3ja stiga línuna (Svíar voru 61%).
Hjá íslenska liðinu var Elvar Friðriksson atkvæðamestur með 22 stig og var að spila glimrandi vel. Þá var Martin Hermannsson öflugur að vanda með 20 stig og Valur Orri Valsson setti 11 stig gaf 6 stoðsendingar og stal 6 boltum. Stefán Torfason og Þorgrímur Emilson stóðu í ströngu í baráttunni í teignum í dag og voru hvor um sig með 4 fráköst ásamt því að berjast vel. Matthías og Emil voru svo traustir með 6 stig hvor en það munaði um minna að Maciej fékk 3 villur í 1.leikhluta og komst ekki í takt við leikinn fyrr en í seinni hálfleiknum.

Eins og áður segir voru Svíar bara hreint út sagt betri en við í dag og spiluðu virkilega vel. Okkar menn geta gert betur en þó á löngum köflum í þessum leik voru menn flottir. Það þarf toppleik í 40 mínútur til þess að sigra lið Svía á svona degi en því miður var það ekki raunin í dag.

Á morgun er svo úrslitaleikur við Finna um laust sæti í úrslitum efstu liða eða slaginn um sæti 1-8. Þar viljum við ólmir vera og spennandi að fá annan úrslitaleik við Finna en sömu lið börðust um titilinn á NM í vor þar sem Finnar gengu frá okkar mönnum með um 40 stigum. Það er því ljóst að um erfiðan leik verður að ræða fyrir okkar drengi en tilvalið tækifæri til þess að sýna úr hverju menn eru gerðir.

Tölfræði leiksins
Mótayfirlit
Mótayfirlit allra flokka
Frá ársþingi KKÍ á Akureyri árið 2000.  Eyjólfur Guðlaugsson UMFG í pontu.
DómarahorniðLeiðararTölfræðiSaganViðtalið